Parashikimi i motit për datë 12 Tetor, ja çfarë pritet

Parashikimi i motit për datë 12 Tetor:

Sot reshjet e shiut me shtrëngata dhe breshëri do të prekin të gjithë territorin. Reshjet priten të jenë intensive në qarqet Dibër, Lezhë, Tiranë, Elbasan, Fier, Berat, Korçë por lokalisht shumë intensive në qarkun Elbasan.

Në qarqet e tjera priten reshje mesatare dhe lokalisht intensive.

Shtrëngatat dhe intensiteti i lartë i reshjeve për momente të shkurtra mund të krijojnë vërshime të përkohshme të ujit dhe përmbytje lokale sidomos pranë përrenjve ose në zonat urbane në varësi të sistemit të kanalizimeve.

Era pritet të fryjë e lehtë.

Temperaturat minimale dhe maksimale:

Në bregdet: 17 / 21°C

Në vendet e ulëta: 14/ 21°C

Në vendet malore: 8 / 17°C