Hoti shkarkon Drejtorët e Policisë, Doganave dhe ATK-së

Kryeministri i Kosovës, Avdullah Hoti, ka shkarkuar sot Drejtorin e Përgjithshëm të Policisë së Kosovës, atë të Doganave dhe ATK-së.

Pas shkarkimit të Drejtorit të Përgjithshëm të Policisë, Rashit Qalaj, Zyra e Kryeministrit bënë të ditur për emërimin e ri.

”Në përputhje me Ligjin për Policinë, Kryeministri Hoti ka emëruar z. Samedin Mehmetin, ushtrues detyre i Drejtorit të Përgjithshëm të Policisë së Kosovës,” thekson Zyra e Kryeministrit.

Ndonëse për Rashit Qalajn u përfolën shumë arsye të shkarkimit, dihet që Qalaj ishte bashkëpunëtor i ngusht i Hashim Thaçit për të luftuar Qeverinë e Albin Kurtit dhe suksesin e saj. Se kujt i ka shërbyer Qalaj pas rrëzimit tē Kurtit, këtë mē mirë se Hoti që ishte pjesē e komplotit, nuk e din askush.

Ndërkohë pas shkarkimit të Drejtorit të Policisë, Hoti ka shkarkuar edhe Ushtruesin e detyrës Drejtorit të Përgjithshëm të Doganës së Kosovës, Ibrahim Xhaka  dhe Drejtorin e Përgjithshëm të ATK-së, Ilir Murtezaj.

“Në përputhje me kompetencat ligjore dhe bazuar në rekomandimet e Ministres së Financave, sot Kryeministri i Republikës së Kosovës, z. Avdullah Hoti, ka marrë vendim për t’i liruar nga detyra ushtruesin e detyrës së Drejtorit të Përgjithshëm të Doganës të Kosovës dhe Drejtorin e Përgjithshëm të Administratës Tatimore të Kosovës,” thuhet në njoftimin e Zyrës së Kryeministrit duke shtuar:

“Në përputhje me ligjet përkatëse në fuqi, Kryeministri Hoti ka emëruar z. Bajram Rexha, ushtrues detyre i Drejtorit të Përgjithshëm të Doganës të Kosovës, dhe z. Ekrem Hysenaj ushtrues detyre i Drejtorit të Përgjithshëm të Administratës së Kosovës.”