Zyrtare/ PD publikon listën, kandidatët e përzgjedhur për deputetë. Ja kush ngelet jashtë…
Partia Demokratike ka publikuar emrat e 27 kandidatëve nga lista e veçantë kombëtare për deputetë, anëtarë të Kryesisë dhe Grupit Parlamentar të vitit 2017, të përzgjedhur nga Komisioni i Vlerësimit.
Sekretari i Përgjithshëm i Partisë Demokratike, Gazment Bardhi, ka publikuar edhe listën e veçantë kombëtare të atyre që nuk janë përzgjedhur, ose siç e përkufizon Komisioni i Vlerësimit, kalojnë në listën e kandidatëve që u shtyhet aprovimi.
Ndryshe, ky vlerësim i Komisionit të Vlerësimit do t’i kalojë për shqyrtim dhe vendimmarrje Kryesisë së Partisë, së bashku me vlerësimin e kandidatëve për secilën Degë.
Deklaratë:
Komisioni i Vlerësimit të Kandidatëve pranë PD, përmbylli dje procesin për vlerësimin e kandidatëve për përfaqësimin politik të PD në nivel qendror dhe lokal.
Periudha e punës së Komisionit, e ndarë në 3 faza, zgjati nga data 3 Gusht deri në 22 Tetor 2020. Në emër të Kryesisë së PDSH, shpreh vlerësimin dhe mirënjohjen për pjesëmarrjen dhe angazhimin masiv të demokratëve në këtë proces, për të gjithë kandidatët e përfshirë që provuan edhe njëherë se Partia Demokratike është forca më vitale politike me burime të jashtëzakonshme njerëzore, si dhe për anëtarët e Komisionit të Vlerësimit të Kandidatëve për punën voluminoze dhe me përkushtim të kryer gjatë gjithë këtij procesi.
Sot Komisioni ka dorëzuar Raportin e vlerësimit të kandidatëve Kryetarit dhe Sekretarit të Përgjithshëm të PDSH, për ndjekjen e procedurave të mëtejshme sipas Statutit.
Nga Raporti i Komisionit rezulton se:
- A) Në total nga anëtarësia janë konfirmuar 498 kandidatë, të cilët janë certifikuar nga Komisioni se përmbushin kriteret statutore për përfaqësimin politik të PD.
- B) Nga 498 kandidatët e konfirmuar nga anëtarësia dhe që plotësojnë kriteret statutore për përfaqësim politik, Komisioni ka vlerësuar që 299 kandidatë nga listat e secilës Degë dhe 27 kandidatë të listës kombëtare (në total 326), ti propozohen organeve vendimmarrëse të Partisë për të qenë në listën finale të përfaqësimit të PD në zgjedhje.
Raporti i Komisionit do ti nënshtrohet diskutimit dhe vendimmarrjes së Kryesisë dhe Këshillit Kombëtar, sipas përcaktimeve të Statutit të PDSH dhe afateve ligjore për përcaktimin e kandidatëve në zgjedhje.
Për shkak të interesit të medias dhe opinionit publik, mbi vlerësimin e Komisionit të Vlerësimit të Kandidatëve për kandidatët nga lista e veçantë kombëtare (anëtarët e Kryesisë dhe Grupit Parlamentar 2017), që janë konfirmuar nga antarësia e Partisë, vlerësimi që ka bërë Komisioni është si më poshtë:
- Kandidatët nga lista e veçantë kombëtare që vlerësohen nga Komisioni që të jenë pjesë e listës për përfaqësim politik, janë si më poshtë:
- AGRON SHEHAJ
- ALBANA VOKSHI
- ALDO BUMÇI
- ALFRED RUSHAJ
- ARBEN RISTANI
- BARDH SPAHIA
- BELIND KËLLIÇI
- ÇLIRIM GJATA
- DHURATA ÇUPI
- ENKELEJD ALIBEAJ
- ENNO BOZDO
- ERVIN MINAROLLI
- FATBARDH KADILLI
- FLAMUR NOKA
- FLORJON MIMA
- GENC POLLO
- GENT STRAZIMIRI
- GRIDA DUMA
- ISUF ÇELA
- INA ZHUPA
- IVI KASO
- JORIDA TABAKU
- KRESHNIK ÇOLLAKU
- LUÇIANO BOÇI
- OERD BYLYKBASHI
- ORJOLA PAMPURI
- TOMORR ALIZOTI
2.Kandidatët nga lista e veçantë kombëtare që sipas vlerësimit të Komisionit kalojnë në listën e kandidatëve që u shtyhet aprovimi, janë si më poshtë:
- ANDON FRROKAJ
- ARBEN KASHAHU
- ENDRI HASA
- ERVIN SALIANJI
- FATBARDHA KADIU
- IZMIRA ULQINAKU
- LINDITA METALIAJ
- LORENC LUKA
- LUAN BACI
- NADIRE MEÇORAPAJ
- ROMEO GURAKUQI
- TRITAN SHEHU
- XHEMAL GJUNKSHI
Ky vlerësim i Komisionit do t’i kalojë për shqyrtim dhe vendimmarrje Kryesisë së Partisë, së bashku me vlerësimin e kandidatëve për secilën Degë.
