Pr/buxheti 2021, Edi Rama sërish vjen me premtime për rritje rrogash, rindërtimin…
Kryeministri Edi Rama foli për projekt-buxhetin e vitit 2021, zgjedhjet dhe një mandat të tretë thuajse është në opozitë dhe jo njeriu që është në kry etë qeverisë nga viti2013.
Duke e pranuar se mazhoranca nuk ka bërë të gjitha ato që ka thënë, Edi Rama tha se kjo s’do të thotë se nuk do i bëjë ndërsa për Projekt-buxhetin që miratohet sot dhe nga 1 janari bëhet realitet, ai foli për rritje pagash për mjekët, infermierët e mësuesit që s’janë vetëm për sot dhe do hiqen nesër.
”Ky buxhet i 2021 konfirmon edhe njëherë tjetër së bashku me gjithë sistemin e reformuar fiskal. Taksa 0 për biznesin e vogël është dhe do mbetet aty. Ja u kam thënë deri në 2029 bizneset e vogla nuk do kenë taksë mbi fitimin dhe TVSH deri në 100 mijë dollarë xhiro,” tha Rama duke ju kthyer rindërtimit si mall elektoral që po e shet nga 26 Nëntori i vitit 2019:
“Na duhet të financojmë Rindërtimin, na është dashur të financojmë në gjithë periudhën e mbylljes një numër të barabartë me çerek milion njerëz individë. T’i financojmë, dhe me këtë buxhet bëjmë një rritje pagash, më thoni kush e bën në rajon. Rritja e pagave nuk është hajde ta bëjmë sot e ta heqim nesër. Wshtë angazhim për gjithë vitet. 40% rritja e pagave për infermierët e mjekët, angazhim i gjithë buxhetit. Miratohet sot. Nga 1 janari e më tej është ay. Nuk lidhet me COVID-19. Edhe rritja e pagave për mësuesit, angazhim për sot nesër e për në të ardhmen i patundur. Janë angazhime financiare të mëdha, jo të vogla në kushtet kur ne jemi si gjithë të tjerët me kaq shumë shtrëngesa nga pandemia, dhe të diktuar nga fatkeqësia e 26 nëntorit.”
Dhe, opozitari i pangopur Edi Rama iu rikthye sërish fjalorit “dallimi mes nesh dhe atyre” duke harruar se është në pushtet dhe i shkon vetëm shprehja “dallimi mes nesh dhe neve”.
“Ka ndonjë shqiptar që mendon me kokën e tij, që sheh me sytë e tij, dëgjon me veshët e tij, që dallimi mes nesh dhe atyre që janë jashtë e këtu brenda, është jo vetëm tek vizioni e idetë, por ne bëjmë atë që themi, dhe themi atë që bëjmë. S’flasim në ajër, për të kapur një votë këtu e dy vota atje. Ky buxhet është fakt, jo program dëshirash. Nuk i kemi bërë të tëra ato që kemi thënë, po kjo s’do të thotë që nuk do i bëjmë.
Jo se e them unë, sepse e thotë progresi i vazhdueshëm. Atëhere shëndetësia falas nuk është një premtim si heqja e taksës e thamë sot, e hoqëm nesër. Shëndetësia falas është projekt, vizion. Drejt saj janë hedhur hapa gjatë gjithë kësaj kohe,” tha Edi Rama duke përfunduar:
“Nuk do ju japim juve, se s’kanë çfarë ju japin. T’ju japin votën, se sillni Monikën e Ilirin në dasmë. Ju s’vini as vetë. VIjmë që vijmë, marrim dhe shoqërinë.”
Ndryshe, Parlamenti ka miratuar në parim projekt-buxhetin për vitin 2021 me 87 vota për, 9 deputetë ishin kundër dhe 2 abstenuan.
