Pozitiv me COVID-19, Arqipeshkëvi George Frendo shtrohet në spital

Arqipeshkëvi i Tiranë-Durrësit, Imzot George Frendo ka rezultuar pozitiv me COVID-19. Mësohet se pas disa komplikacioneve, mbrëmjen e sotme Arqipeshkëvi George Frendo është shtruar në spital.

“Me rekomandimin e mjekëve, në mbrëmjen e ditës së sotshme, është vendosur që Imzot Frendo të shtrohet në Spital, për shkak të disa komplikacioneve respiratore gjatë ditës,” ka bërë të ditur përmes një njoftimi Arqipeshkëvia Metropolitane Tiranë-Durrës pasi Imzot George Frendo ka qenë për disa ditë në monitorim mjekësor për shkak se ka rezultuar pozitiv me COVID-19.

Komunikim

Ju njoftojmë se SH.T. Imzot George Frendo O.P., Arqipeshkëvi i Tiranë-Durrësit e njekohësisht Presidenti i Konferences Ipeshkvore të Shqipërisë, ka qenë për disa ditë në monitorim mjekësor për shkak se ka rezultuar pozitiv me Covid 19.
Me rekomandimin e mjekëve, në mbrëmjen e ditës së sotshme, është vendosur që Imzot Frendo të shtrohet në Spital, për shkak të disa komplikacioneve respiratore gjatë ditës.

Ju kërkojmë lutjet tuaja për Imzot Frendon dhe i urojmë atij shërim sa më të shpejtë.

Zyra e Shtypit e KISH