Kupa e Botës/ Promovoi komunitetin LGBT, arrestohet…  

Policia ruse ka arrestuar në Moskë, luftëtarin britanik për të drejtat e komunitetit LGBT, Peter Tatchell, për shkak të protestës së paligjshme në ditën e parë të Kupës së Botës në futboll, kanë bërë të ditur mediat ruse.

Tatchell, i cili ka mbajtur protesta të ngjashme nëpër botë , bëri përpjekje që të mbajë një protestë individuale në Sheshin e kuq, në mënyrë që të tërhiqte vëmendjen në atë që ai e quajti “shkelje të të drejtave të homoseksualëve në Çeçeni”.

Gazetari i Agjencisë britanike të lajmeve “Reuters” ishte prezent kur një zyrtar i policisë ruse iu afrua Tatchellit dhe e informoi se, sipas ligjeve ruse, është e paligjshme që të mbaj një protestë të këtij lloji gjatë këtij eventi të futbollit dhe që ta ndërpresë menjëherë, ndryshe do të arrestohet.

Pas një bisede të gjatë, britaniku i shoqëruar nga zyrtarët policor u fut në makinën e policisë.