Rindërtimi, Kryeministri Edi Rama inspekton kantierin në Laç

Kryeministri Edi Rama ka inspektuar sot kantierin e ndërtimit në Zonën 1 në Laç, ku do të ndërtohen qendra të reja banimi me pallate, për 800 familje të prekura nga tërmeti i 26 Nëntorit, investim ky nga donacioni i qeverisë turke dhe buxheti i shtetit shqiptar.

I shoqëruar me kryetaren e bashkisë, Majlinda Cara, ai futet në kantier duke përshëndetur punëtorët turq:

Merhaba!

Kryebashkiakja e Kurbinit: Në total ky investim është 27 miliard investime i ofruar nga qeveria shqiptare dhe ajo turke.

Rama: Se e thua me të vjetra ti. Po do na dalësh në televizor si Luli, 1 miliard, 1 milion
Qesh kryebashkiakja

Ahmetaj: Për dy javë nisin themelet tek zona 1 dhe 2.

Rama: Sado që ta dëgjojnë qytetarët, ata po nuk e panë, se besojnë. Ça t’i bësh, thekson Kryeministri duke iu drejtuar shefit të kantierit shqiptar:

Rama: Dritan, vëllezërit tanë (turqit) kanë vendosur standard këtu. Duhet të mbajmë këtë standard me të gjitha godinat.