Seancë plenare, Ruçi thirrë Kryeministrin në interpelancë ai shkon në Abu Dhabi!

Seanca e sotme plenare e Parlamentit të Shqipërisë ndonëse me 10 Pika të Rendit të Ditës, me interes pritet vetëm Pika 3. e parashikuar për interpelancë me Kryeministrin Edi Rama. Kjo interepelancë pritet bazuar në Urdhërin e Kryetarit të Parlamentit, Gramoz Ruçi, por në orët e para të mëngejsit mësohet se Edi Rama ka udhëtuar drejt Abu Dhabit.

Burimet dixhitale të Ish-Presidentit Sali Berisha raportojnë se Rama ka shkuar në drejtim të Emirateve të Bashkuara me qëllim të marrjes së vaksinës Anticovid ndërkohë burime nga Kryeministria theksojnë se Edi Rama është nisur drejt Abu Dhabit për të firmosur një Marrëveshje rindërtimi për shtëpitë e rrënuara nga tërmeti i 26 Nëntorit 2019.

Cila është e vërteta, si gjithmonë, vetëm populli nuk do ta mësoj ndërsa deputetët që kërkuan interpelancën më nuk mund ti besojnë as Urdhërave që mbajnë firmën e Ruçit.

Ndërkohë në seancë pritet të votohen ndryshimet e Aktit normativ kriminal Nr.32 me masa edhe më të ashpëra, edhe pse prej hyrjes në fuqi ky Akt ka terrorizuar qytetarët por jo edhe koronavirusin për të cilin është miratuar, i cili vazhdon përhapjen shumë më ashpër.