Qeveria e re e Malit të Zi mori detyrën

Qeveria e re e Malit të Zi mori sot detyrën.

Kryeministri Dushko Markoviç, konfirmoi përmes rrjetit social Twitter se i ka dorëzuar detyrën kryeministrit të ri të Malit të Zi, Zdravko Krivokapiç.

“Shpresojmë se kjo Qeveri do të punojë në interes të Malit të Zi dhe të gjithë qytetarëve të tij,” tha Markoviç.

Kryeministri i ri, Krivokapiç, dhe kabineti i tij, i cili përbëhet nga 12 ministra dhe një Zv/Kryeministër, janë votuar në seancën e Parlamentit të Malit të Zi, më 4 dhjetor.

Qeveria e re, raporton RFE, përbëhet nga tre koalicione, ndërsa dominohet nga partia proserbe Fronti Demokratik.

Ndryshe, Partia Demokratike e Socialistëve, e cila udhëhiqet nga presidenti Millo Gjukanoviç, i ka humbur zgjedhjet e 30 gushtit pas gati 30 viteve në pushtet.