Komiteti i Ekspertëve: 356 raste me COVID-19 për 100 mijë banorë. Këtë javë do të shohim nëse…

Duke informuar sot për situatën me COVID-19, Komiteti Teknik i Ekspertëve bëri të ditur se incidenca dy javore ishte 356 raste për 100 mijë banorë, shifër kjo sipas tyre më e ulët se vendet e rajonit dhe më e ulët se mesatarja e vendeve të BE.

“Dy prefekturat që kanë incidencë më të lartë, vijojnë të jenë tirana, e ndjekur nga gjiro dhe Lezha. Grupmoshat e prekura 55-64 vjeç, ndjekur nga 65-75 vjeç. Vihet re një qëndrueshmëri e pacientëve që kanë nevojë për trajtim spitalor. Ka një rritje të lehtë të rasteve që kanë nevojë për terapi intensive. Përqindja e nr të humbjes së jetëve në raport me numrin e të infektuarve mbetet në 2.1 %,” tha Drejtoresha e ISHP, Albana Fico.

Ndërkohë kryetarja e Komitetit Teknik të Ekspertëve, Mira Rakacolli, tha se do të shihet për një javë nëse do duhet të merren masa të tjera për pandeminë.

“Gjendja mbetet e qëndrueshme dhe do na duhet dhe një javë tjetër për të parë nëse ka këtë qëndrueshmëri dhe do shikojmë nëse do kemi nevojë për masa të tjera.”