Gallup: Më i admiruari në SHBA, Presidenti Donald Trump. Biden i treti me 6%

Presidenti amerikan Donald Trump është personi më i admiruar në Shtetet e Bashkuara për vitin 2020. Këtë e konfirmon sondazhi vjetor i “Gallup” i cili gjithashtu konfirmon Ish-Zonjën e Parë, Michelle Obama, si gruan më të admiruar në SHBA.

Kështu, pas 12 vjetësh të kryesimit të Ish-Presidentit Obama, sondazhi i “Gallup” konfirmon se 39% e amerikanëve admirojnë Presidentin Trump, Barack Obamën 15%, Presidentin e konfirmuar nga Kolegji Elektoral, Joe Biden, vetëm 6% dhe ekspertin e famshëm për sëmundje infektive, Dr. Anthony Fauci, 3%.

Në linjat e partisë, 48% e republikanëve e zgjodhën Presidentin Trump, Obama vazhdon të jetë përzgjedhja kryesore ndër demokratë me 32% ndërsa Biden mori vetëm 13%. Mes të pavarurve Trump dhe Obama morën nga 11%.

Ndër 10 burrat më të admiruar janë edhe Papa Françesku, biznesmeni Elon Musk, senatori Bernie Sanders, bashkëthemeluesi i Microsoft Bill Gates, basketbollisti LeBron James dhe udhëheqësi shpirtëror i budistëve yibetianë, Dalai Lama.

Gratë më të admiruar

Gruaja më e admiruar për të tretin vit me radhë u zgjodhë, Michelle Obama, e cila në sondazhin e “Gallup” mori 10% të votave, Zv/Presidentja e konfirmuar nga Kolegji, Kamala Harris mori 6% ndërsa zonja e parë Melania Trump doli në vendin e tretë me 4%.

Hillary Clinton, Ocasio-Cortez, Amy Coney Barrett, Angela Merkel dhe Mbretëresha Elizabeth II ishin gjithashtu ndër gratë më të admiruara në SHBA.

Ndryshe, sondazhi u krye me telefon nga 1-17 Dhjetor midis një mostre të rastësishme prej 1.018 personave të rritur ndërkohë “Gallup” thotë se marzhi i gabimit është +- 4 për qind.