Ambasadori i SHBA kujton viktimat e Masakrës së Reçakut
Bashkë me Kosovën nderoj kujtimin për viktimat e Masakrës së Reçakut, e cila ka ndodhur 22 vjet më parë. Kështu u shpreh Ambasadori i SHBA në Prishtinë, Philip Kosnett, sot përmes rrjetit social Twitter duke shtuar se Shtetet e Bashkuara vazhdojnë të jenë të përkushtuara për të garantuar drejtësi për familjet e viktimave dhe më të dashurit e tyre.
Ndryshe, Masakra e Reçakut ka ndodhur më 15 janar të vitit 1999 ku forcat policore dhe ushtarake serbe vranë dhe masakruan 45 shqiptarë të paarmatosur. Në mars të këtij viti NATO nisi sulmet ajrore kundër caqeve të ushtrisë serbe për t’i dhënë fund dhunës në Kosovë.
Gjatë luftës në Kosovë humbën jetën rreth 13.500 persona, ndërsa 1.643 ende konsiderohen të pagjetur.
Për më shumë ndiqni një emision special të realizuar nga RFE në 20-vjetorin e Masakrës së Reçakut:
