Me Pacollin në Thumanë, Edi Rama: Sot nis ndërtimi i 14 pallateve. Fillon me 1 mln euro të Bacës…
Në hapjen e kantierit të pallateve të reja në Thumanë, Kryeministria Edi Rama i shoqëruar nga Ish-Presidenti i Kosovës, Behgjet Pacolli, i cili do të kontribuojë me ndërtimin e njërës prej 14 godinave të banimit, tha se puna fillon me 1 milion euro të Bacës.
“Lajmi i mirë për të gjithë banorët është që sot fillon nisja e punës për apartamentet. Fillon me fondacionit prej 1 mln euro nga bacë Pacolli. Ne do të ndërtojmë pjesën tjetër,” tha Edi Rama duke saktësuar se 13 pallatet tjera do të ndërtohen me fondet e qeverisë.
Biseda mes Ramës dhe Pacollit
Rama: Faza tjetër është tek ajo zona pak e pjerrët. Tek pjesa këtu do ndërtoni edhe ju (i drejtohet Pacollit).
Pacolli: Rrugët janë përgatitur dhe do të ndërtohet asfalti, kur të mbarojë projekti. Tek ndërtesat do impelemtojmë atë projekt që keni përgatitur. Është fjala për një kompleks, ku çdo ndërtesë ka 2700 metra katrorë. Janë rreth 80 apartamente, me 100 metra katrorë. Do jetë banim social dhe kati i parë është parashikuar që të jetë për shërbime publike. Çdo gjë do të jetë në rregull.
Rama: Ku ndahemi këtu me bacën? (Kerkon shpjegim per projektin) Këtu është lagja e re. Lajmi i mirë për të gjithë banorët është që sot fillon nisja e punës për apartamentet. Fillon me fondacionit prej 1 mln euro nga bacë Pacolli. Ai ma ka thënë me gatishmëri të plotë se ajo pjesë që do të marrë, do e bëj. Ne do të ndërtojmë pjesën tjetër. Këtu është shkolla e kombinuar dhe me kopshtin. Në pjesën këtej (sqaron projektin) kemi dhe njësitë administrative. Këtu do të ndërtojmë me buxhetin e shtetit, njësinë administrative, ku do të jetë administrata e bashkisë, dhe qendra shëndetësore dhe një qendër komunitarë. Këtu do të bëhet një qytet i ri.
Pacolli: Pas asaj tragjedie, pas disa kohësh këtu do të jetë një qendër dhe një qytezë e bukur në Shqipëri. Popullata do të jetojë e lumtur.
Rama: Mbi atë pllajën është një liqen, dhe ajo është një pikë turistike. pasi këtu nuk janë banesa sociale, por apartamente si në Tiranë. Këtu mund të ndërtohen gjëra të bukura. Atë godinën e vjetër do ta ruajmë, për të kujtuar qytetin e vjetër, dhe do të vendosim një obelisk në nderim të viktimave të tërmetit.
Pacolli: Duhet thënë se është bërë një punë profesionale dhe logjike. Ne do të punojmë.
Rama: Kur nis një punë nuk nis sa del ekskavatori në terren. Ajo që ka qenë problem s’ka qenë veç gjeologjia, por dhe aspekti i pronësisë, dhe dokumentacionet.
