Premtoi shëndetësi falas, Basha: Shëndetësia është në kolaps. Edi Rama është dështim!

Ndërkohë që Kryeministri Edi Rama nuk pushon me prezencën e tij në fushatat e ndryshme në emër të luftës kundër COVID-19 dhe të gjithë ata që preken ankohen se pa lekë nuk i përfillë askush në asnjërën nga Spitalet Covid, sot ka reaguar Kryetari i Partisë Demokratike, Lulzim Basha, duke vlerësuar se shëndetësia është në kolaps.

“Premtoi shëndetësi falas për të gjithë por gënjeu. Shëndetësia është në kolaps dhe shqiptarët paguajnë më shtrenjtë se çdokush në rajon,” thekson Lulzim Basha në reagimin e tij përmes rrjetit social Facebook duke e shoqëruar dhe me video ndërsa përfundon:

“Rama është dështim. Ai duhet të largohet!”

Ndryshe, Kryeministri Edi Rama mburret se në 6 ditët e para të vaksinimit, 369 mjekë dhe infermierë të vijës së parë të betejës me COVID-19 janë sot më të mbrojtur nga virusi i rrezikshëm, pas kryerjes së dozës së parë të vaksinës Anticovid në Qendrën e Vaksinimit në Air Albania Stadium, por, shqiptarët as sot nuk janë të mbrojtur nga virusi “Tire” dhe vazhdojnë të paguajnë nga momenti i parë që lind dyshimi se familjari i tyre është i sëmurë!