Betimi/ Joe Biden, President i ri i SHBA

“Betohem solemnisht se do ta përmbush me besnikëri detyrën time si president i Shteteve të Bashkuara dhe se do ta ruaj dhe mbroj më së miri Kushtetutën e Shteteve të Bashkuara. Me ndihmo, Zot,” tha Joseph Robinette Biden Jr, teksa u betua para gjykatësit të Gjykatës Supreme, John Roberts si Presient i 46-të i SHBA.

Joe Biden është zgjedhur president në përpjekjen e tij të tretë, pas mossuksesit në zgjedhjet e demokratëve më 1988 dhe 2008.

Senator më shumë se 35 vjet (1973.-2009.), Zv/President nga viti 2009 deri në vitin 2017. Joe Biden ishte me dekada të tëra pjesë e estabilishmentit të Washingtonit.

Ndërkohë para Presidentit ishte Zv/Presidentja e Shteteve të Bashkuara, Kamala Harris, e cila bëri betimin.

Kamala Harris është Zv/Presidentja e parë grua dhe me ngjyrë në historinë e SHBA-së. Ajo bëri betimin para gjykatëses së Gjykatës Supreme, Sonia Sotomayor.

Pak orë para se të bëj betimin, Harris nderoi gratë që, siç tha, kanë ardhur para saj.

“Unë jam këtu sot për shkak të grave që erdhën para meje,” tha Harris përmes rrjetit social Twitter shoqëruar dhe me një video ku përmendi nënën e saj, gratë me ngjyrë, gratë aziatike, të bardha, latine, autoktone, të cilat tha se “kanë shtruar rrugën për këtë moment.”

Harris, 56 vjeçe, Ish-Prokurore e Përgjithshme e Kalifornisë ka mbështetur shumë politika të favorizuara nga krahu më i moderuar i Partisë Demokrate që Biden përfaqëson, edhe pse historiku i saj për disa çështje që kanë të bëjnë me krimet dhe çështjet e drogës kanë zemëruar personat me pikëpamje më të moderuara dhe liberale.

Prejardhja e saj e përzier etnike i ka shkuar Harrisit në favor. Çështja e racizmit ishte një nga temat që dominuan fushatën e vitit 2020, pas vdekjes së një personi në ngjyrë teksa po arrestohej nga policia në Minesota – ngjarje kjo që nxiti protesta mbarëkombëtare dhe thirrje që të bëhen reforma në sektorin e sigurisë.

Pozita e Zv/Presidentes, i jep një shtysë Kamala Harris për një nominim për presidente nga partia e saj për zgjedhjet e vitit 2024, nëse Biden – nuk do të dëshirojë që të kandidojë edhe për një mandat të dytë presidencial.

Ndryshe, ceremonia e inaugurimi filloi sot në mesditë në rethana ndryshe nga ato tradicionale:

Sot, përveç betimit të Joe Biden SHBA ka dhe Presidentin i cili ka të drejtë të shkruaj në rrjetet social Facebook dhe Twitter.