Përmbytje në Malishevë, Klinë, Pejë dhe Podujevë

Reshjet e borës që filluan mëngjesin e sotëm shkaktuan sërish përmbytje në disa rajone të Kosovës. Në komunën e Malishevës, lumi Mirusha ka dal nga shtrati ku janë mbuluar dhe dy ura me ujë.

“Është rritur niveli i ujit në lumin Mirusha dhe në rrjedhat tjera të ujërave, duke shkaktuar daljen nga shtrati të lumit, kryesisht në prona bujqësore, por edhe në rrugë dhe si pasojë rruga Mirushë-Gurbardh është bllokuar,” thekson Komuna e Malishevës përmes një postimi në rrjetin social Facebook duke shtuar se vështirësi ka edhe në akset rrugore Malishevë-Kijevë, Malishevë-Banjë dhe Turjakë-Bubël, ndërsa rrugët në malet e Berishës, janë të kalueshme, pasi është larguar bora nga rrugët.”

Ndërkohë përmbytje ka pas edhe në Komunën e Pejës, Klinës dhe Podujevës.