Takimi i Yuri Kim me Metën, Ramën, Bashën, Ambasada e SHBA: Ja çfarë u diskutua…

Pas takimit të ambsadores amerikane Yuri Kim me Presidentin Ilir Meta, Kryeministrin Edi Rama dhe liderin e opozitës Lulzim Basha, në Presidencë, Ambasada e SHBA në Tiranë bënë të ditur se u diskutua mbi mënyrën se si mund të vazhdojmë të punojmë së bashku për të ndërtuar gatishmërinë dhe ndërveprimin tonë nëpërmjet stërvitjeve të ardhshme ushtarake të SHBA, me ushtarë shqiptarë dhe në tokën shqiptare.

I pranishëm në këtë ishte dhe Zv/Komandanti i Ushtrisë së SHBA në Evropë, Gjeneral Major Joseph Jarrard.

Ndryshe, ky takim vjen në kulmin e përplasjeve publike në mes të Ambasadores amerikane Yuri Kim dhe Kryeministrit Edi Rama lidhur me pastrimin e listave zgjedhore nga kriminelët, arsye kjo që zgjoi interes të madh ndër qytetarë për takimin i cili u informua në media sapo filloi.

Njoftim:

Dua të falënderoj Presidentin Meta, Kryeministrin Rama dhe Ministrin Peleshi për pritjen e tyre sot. Patëm një diskutim të shkëlqyer mbi mënyrën se si mund të vazhdojmë të punojmë së bashku për të ndërtuar gatishmërinë dhe ndërveprimin tonë nëpërmjet stërvitjeve të ardhshme ushtarake të SHBA, me ushtarë shqiptarë dhe në tokën shqiptare.

Një aleate e palëkundur e NATO-s prej vitit 2009, Shqipëria është një partnere strategjike e sigurisë për Shtetet e Bashkuara – si në rajon, ashtu edhe në botë. Shqipëria po investon ndjeshëm për të forcuar gatishmërinë e saj për mbrojtjen kolektive të NATO-s, duke punuar ngushtë me SHBA për të përmirësuar aftësitë në të gjitha fushat.

Ne kemi qenë dëshmitarë të guximit dhe vendosmërisë së shqiptarëve në Afganistan, Kosovë dhe Irak dhe, përmes Partneritetit Kombëtar të Shqipërisë me Gardën Kombëtare të Nju Xhersit.

Ndërsa ne jemi ende duke planifikuar stërvitjen DEFENDER-Europe 21, presim që Shqipëria të ketë një rol të rëndësishëm në këtë stërvitje madhore ushtarake. Shqipëria do të jetë një vend kryesor pritës për veprimtaritë e shumta ushtarake që po afrojnë, dhe kjo përforcon rëndësinë strategjike të gjeografisë së Shqipërisë në rajon.

Faleminderit edhe një herë për mirëpritjen tuaj të ngrohtë në Shqipëri dhe pres me kënaqësi edhe më shumë vite mbështetjeje të ndërsjellë me aleaten tonë të vyer, Shqipërinë.

Gjeneral Major Joseph Jarrard, Zv. Komandant i Ushtrisë së SHBA në Europë