Shuhet Hariz Mema

Shuhet Hariza Mema! Kryetari i PD Dega Sarandë, Hariz Mema, u nda nga jeta në moshën 54-vjeçare pas një ataku kardiak.

Mësohet se ndonëse është dërguar në Spitalin e Sarandës, ai ka ndërruar jetë. Sipas mjekëve, vdekja erdhi nga një infarkt akut.

Hariz Mema ishte në krye të Partisë Demokratike të Sarandës për 8 vjet. Gjithashtu ishte anëtar i Këshillit Bashkiak Sarandë si dhe kandidat për deputet.

Përveç angazhimit politik, Hariz Mema gëzonte respektin e qytetarëve të Sarandës edhe si dhe biznesmen, ku prej vitesh ishte pronar i një mobilerie.