Protesta kundër Ramës në Dibër/ Policia proçedon penalisht deputetin e PD dhe 24 qytetarë…
Policia e Shtetit ka referuar në Prokurori një procedim penal për deputetin e PD, Xhemal Gjunkshi, djalin e tij si dhe 24 qyetarë, në lidhje me protestën që u zhvillua një ditë më parë në Peshkopi kundër Kryeministrit Edi Rama.
Deputeti i PD në Qarkun e Dibrës, Xhemal Gjunkshi dhe djali i tij janë proceduar nga policia pas protestës së djeshme.
Ata akuzohen për tubim të paligjshëm dhe kundërshtim të urdhrit të policisë.
Ndërkohë një ditë më parë, PD denoncoi dhunën që policia ushtroi ndaj protestuesve, përfshi këtu edhe deputetin demokrat.
