Çupi: Shpallja e Mazrekut “qytetar nderi”, turpi mban vulën e Rilindjes
Shpallja “Qytetar Nderi” nga Këshilli Bahskiak i Hasit i Gafur Mazrekut, atentatorit në sallën e Parlamentit, të Azem Hajdarit, ngjarje e ndodhur në shtator 1997, ka shkaktuar reagime të shumta të opozitës.
Deputetja Dhurata Çupi përmes një komenti në rrjetet sociale shkruan se “turpi mban vulën e Rilindjes së Ramës i cili urdhëroi shpurën e tij socialiste që ti jepnin titullin “qytetar i turpit” këtij njeriu, pasi 21 vite më parë në foltoren e Parlamentit qëlloi me armë heroin e demokracisë Azem Hajdari”.
Postimi i Dhurata Çupit
Vendim i turpshëm i Këshillit Bashkiak të Hasit,shpall qytetar nderi Gafurr Mazrekun për “kontribut të shquar pasi ne 1997 qëlloi me armë Azem Hajdarin”
Turpi mban vulën e Rilindjes së Ramës i cili urdhëroi shpurën e tij socialiste që ti jepnin titullin “qytetar i turpit” këtij njeriu, pasi 21 vite më parë në foltoren e Parlamentit qëlloi me armë heroin e demokracisë Azem Hajdari.
