Tiranë-Elbasan, rrëshqitje masive të dheut afër tunelit, dëmtohen barrierat

Rrëshqitje dheu në fshatin Mushqet të njësisë administrative Krrabë pranë autostradës Tiranë-Elbasan, në afërsi të tunelit. Rrëshqitja masive e dheut dhe gurëve ka dëmtuar edhe barrierat anësore të autostradës Tiranë- Elbasan.

Sugjerohet për përdoruesit e kësaj rruge, të jenë të kujdesshëm gjatë kalimit të segementit rrugor prej rreth 150 metrave në afërsi të tuneli, pasi rëniet e gurëve mund të bien nga çasti në çast.

Rreziku i shembjes së banesave është edhe për tre familje ku ndërtesat e tyre nga kjo rrëshqitje kanë dhënë shenjat e para në çarje të themeleve dhe mureve.

Mendohet se shkak i rrëshqitjes mund të jenë reshjet e shumta të shiut ose dëmtimi i bazës nga ndërtimi i autostradës.