Me Ish-Të përndjekurit politikë në Kukës, Flamur Hoxha: Rruga e vetme që t’ia dalim, votoni PD!

Zgjidhja përfundimtare e rehabilitimt ekonomik, gjetja e të humburve të ekzekutuar nga regjimi komunist, mbështetja për arsimimin e të rinjve si dhe mbështetja financiare për familjet e reja, janë disa nga pikat e Programit të Partisë Demokratike për të cilat u informuan Ish-Të përndjekurit politikë të Qarkut Kukës në një takim me Drejtuesin politik të PD, Flamur Hoxha.

Dhe, rruga e vetme që t’ia dalim me sukses, tha Flamur Hoxha, është që të votoni PD nën drejtimin e Lulzim Bashës.

Të përndjekurit politikë të Kukësit nga ana e tyre, ngritën problemet që i shqetësojnë si: neglizhenca e institucioneve në dokumentimin e persekutimit në regjimin komunist, shpopullimi i zonave të Kukësit, probleme i përmbytjes, energjia elektrike dhe karburanti me çmim të lartë, menjanimi nga vemendja e shtetit etj.

Por, sot, ata ndjehen komod me faktin se ata do ti përfaqësojë një figurë që i takon shtresës së Ish-Të përndjekurve politikë, njeri me integritet të lartë moral dhe mbrojtës i interesave të komunitetit ndërsa njëzëri janë dakord:

Më 25 Prill Shqipëria fiton!