Kryesia e LDK, në seancë parlamentare kur të votohet Presidenti

Pas përfundimit të mbledhjes së Kryesisë, Nënkryetari i LDK-së, Lutfi Haziri, tha se qëndrimi jonë është që të qëndrohet në sallë me rastin e votimit të kandidates për presidente, Vjosa Osmani, ndërkohë nesër kryetari Lumir Abdixhiku do të takohet edhe me grupin e deputetëve për t’ia bërë të ditur qëndrimin e Kryesisë.

“Kryetari i LDK-së nesër do te takohet me grupin e deputetëve do të vazhdojnë diskutimet,” tha Lutfi Haziri duke shtuar:

“Nuk varet nga ne roli jonë në kuvend është pjesëmarrja ose mospjesmarrja. Qëndrimi jonë do të jetë në bazë të frymës kushtetuese që të plotësohet krijimi i institucioneve. Për më shumë nesër shihemi në angazhime të tjera dhe besoj se shumë shpejt gjithcka është e qartë. Ne kemi shtjerr nevojën dhe arsyen për tu takuar. Do të vendoset që të mos ketë obstruksione institucional. Dhe të krijohet frymë për progres në bend.”