Biznesi në Tiranë mirëpret Bashën: Kryeministri europian për të cilin ka nevojë Shqipëria!
Edhe në Tiranë si në çdo qytet të Shqipërisë, Kryetari i Partisë Demokratike, Lulzim Basha, u prit me një entuziazëm të madh si nga qytetarët ashtu dhe biznesi! Madje ky i fundit, në Njësinë 2 në Tiranë, aty ku regjimi i Edi Ramës nuk ka vënë dorë për 8 vjet, Lulzim Bashën e pritën me entuziazmin e fitores si Kryeministrin europian për të cilin ka nevojë Shqipëria!
Kryetari i PD, Lulzim Basha, i shoqëruar nga Drejtuesja Politike e Njësisë Nr.2 në Tiranë, Jorida Tabaku, u zotua për çlirimin e ekonomisë dhe pronarëve t’u jepet ajo që 30 vite u është mohuar padrejtësisht, duke marrë përsipër dhe peshën e fajit për ato që s’janë bërë në të kaluarën ndërsa mesazhi ishte i qartë: Të gjithë bashkë më 25, numrin 9.
Lulzim Basha: Mirë se ju gjej!
Qytetari: Mirë se erdhe!
Lulzim Basha: Si jeni? Jeni mirë?
Qytetari: Mirë!
Lulzim Basha: Do jemi shumë më mirë! Të jemi të gjithë bashkë më 25.
Qytetari: Na ke dhënë shumë energji!
Lulzim Basha: Faleminderit shumë!
Lulzim Basha: Mirë se ju gjej!
Qytetari: Nga Gjermania apostafat me bë ndryshimin.
Lulzim Basha: Të lumtë goja! Kur ke ardhur?
Qytetari: Ka 3 ditë.
Lulzim Basha: Shumë mirë! Sa më shumë të kthehen, se kësaj radhe e bën me hile e pamundësuan votën e emigrantëve. Dhe unë sot po të them ty dhe çdo emigranti shqiptarë, qeveria jonë do bëjë realitet. Me votimin elektronik, çdo shqiptarë do mund të votojë, përfshirë të gjithë shqiptarët e diasporës. Të gjithë bashkë më 25, numrin 9.
Qytetari: Lulzim Basha me fitore!
Lulzim Basha: Faleminderit të lumtë goja!
Qytetari: Kryeministrin europian për të cilin ka nevojë Shqipëria!
Lulzim Basha: Të falënderoj nga zemra! Në shërbim të çdo shqiptari.
Lideri i opozitës bisedoi dhe me biznese dhe qytetarë që shprehën shqetësimet e tyre sa i përket problemeve me taksat dhe pronat, para të cilëve u zotua se biznesi i vogël dhe rregullimi i problemit të pronave janë dy prioritetet e para të qeverisë së ardhshme.
Qytetari: Kemi një kërkesë, ndarjen e biznesit me shërbimet. Zanatçinjtë shesin dhe blejnë. Ne shesim dhe blejmë djersën.
Lulzim Basha: Të gjithë ju që shisni shërbimin me djersën e ballit tuaj, por edhe i gjithë biznesi i vogël, të vetëpunësuar, apo çdo lloj biznesi i vogël, jeni shtyllë e programit tonë ekonomik për një arsye të vetme. Jeni shtylla kurrizore e ekonomisë. Kështu që e vetmja gjë që ka mbetur, votojeni atë plan, votoni ndryshimin më 25, votoni numrin 9 do fitoni ju dhe familjet tuaja.
Qytetari: Rrofsh, i nderuar!
Lulzim Basha: Faleminderit!
Qytetari: Je i nderuar!
Lulzim Basha: Faleminderit!
Qytetari: Vetëm diçka, mbroni pronën e tiranasve. Jam tiranas dem baba dem. Ke ardhur tek cirku, aty është bërë një pisllëk i madh për shkak të Edi Ramës, ju lutem shumë ta hapni atë, se aty është një pjellë e krimit.
Lulzim Basha: Jemi zotuar me shkrim dhe me plan që pronarëve t’u japim atë që 30 vite u kanë mohuar padrejtësisht, duke marrë përsipër edhe peshën tonë të fajit për ato që s’janë bërë në të kaluarën.
