Tusk përkrah idenë e Kurz: Refugjatët të mblidhen në një kamp, ndoshta Shqipëri…

Presidenti i Këshillit Europian Donald Tusk, ka përkrahur idenë e kancelarit austriak Sebastian Kurz, sipas të cilit refugjatët duhet të mblidhen në një kamp.

Revista gjermane Spigel shkruan se ai është miku më i ri i këtij projekti, që mban vulën e kancelarit gjerman, Sebastian Kurz.

Media gjermane shkruan se ky kamp mund të ngrihet në Shqipëri ose në një nga vendet e Afrikës së Veriut.
Në dokumentin e Tusk thuhet se në këtë kamp duhet të mblidhen të gjithë refugjatët e shpëtuar në det.

Pritet që një gjë e tillë të diskutohet edhe në Samitin e BE-së që do të mbahet në fund të qershorit, ku gjithashtu pritet të merret një vendim për hapjen e negociatave për Shqipërinë dhe Maqedoninë.

Ndërkohë politico.eu shkruan se propozimi është një përpjekje për të thyer krizën akute politike mbi migracionin dhe azilin, cështje shumë shqetësuese e liderëve te BE që nga viti 2015, që madje ditët e fundit kërcënoi deri të rrëzonte qeverinë gjermane për shkak të përlasjes brenda koalicionit qeverisës.

Koncepti i platformës së zbarkimit – që zyrtarët thanë se do të duhej të zbatohej në bashkëpunim me Komisionerin e Lartë të Kombeve të Bashkuara për Refugjatët (UNHCR) dhe Organizatën Ndërkombëtare për Migrim (IOM) – mund të krijonte një mekanizëm formal me të cilin BE mund të lidhë ndarjen midis liderëve te linjës së ashpër që bëjnë thirrje për kontrolle të ashpra kufitare dhe ata që këmbëngulin që vendet e BE-së t’i binden ligjit ndërkombëtar dhe t’i mirëpresin refugjatët që kanë nevojë për mbrojtje.

“Mes vendeve të mundshme partnere janë Tunizia dhe Shqipëria, por zyrtarët thonë se është shumë shpejt që të spekulohet per kete”- thuhet ne artikull.