Enver Hoxha: Edo, lëre Liken të qetë! Edi Rama: Komandant, Unë…

Telefonatë nga ferri, Enver Hoxha i alarmuar thërret Kryeministrin Edi Rama

E dielë e 11 Prillit, familja Rama zgjohet me kujtimet e komandantit legjendar të krimit komunist shqiptar. Ditë e zymtë jo vetëm për Edi Ramën, nuk i bëhet të nxjerrë as edhe një status në Facebook. Bie telefoni:

Endri Fuga: Shefo si je!

Edi Rama: Mirë jam, ç’muti ke!

Endri Fuga: Po nuk pash që kishe postuar në Facebook ato marrëzirat me “Mirëmëngjes”, thash mos ka ndodhur diçka!

Edi Rama: Ditë e zezë mor Fuge, as nuk më hahet as nuk më pihet! Apo harrove 11 Prillin 1985…

Endri Fuga: Harrova me thënë të drejtën, më acaroi dje shumë ai Likja.

Rama: Ehuuu ku e ke mendjen ti, ik o Fuge ik, pi kafe…

Sërish zilja e telefonit, acarohet bashkëshortja:

Linda Rama: Prap Mamica!

Edi Rama: Po jo mo çfarë Mamice, numër Turqie, do jetë Sulltani! Hap celularin:

Edi Rama: Günaydın, Erdogan Abey!

Enver Hoxha: Me Edi Ramën flas!

Edi Rama: Sulo, ti je, si është Sulltani…

Enver Hoxha: Po çfarë Sulo, po i hekuros fustanin Nexhmijes i shkreti! Enveri jam!

Fyti iu tha, pështyma nuk dihet nga vajti, zëri po i vinte me echo… “Vallë në ëndërr jam,” po thoshte me vete Kryeministri Edi Rama. “Dreq o punë, nuk jam as në çitjane, çfarë do të thotë Komandanti,” ishin disa nga mendimet që po i bënin xhiro nëpër trurin e tij përplot Like e Sali, më në fund e nxori nga goja edhe fjalën:

Edi Rama: Komandant ti je?!

Enver Hoxha: Po unë jam o qerrata, Unë…

Edi Rama: Ç’është ky numër, u habita!

Enver Hoxha: Titua mori një nga këta udbashët kosovarë që ka në Ankara, dhe i thashë më lidh me Edin se jam i shqetësuar; Po e tepron o zotëri edhe pse kanë mbetur vetëm 2 javë nga zgjedhjet. Nuk i bënë Celibashi të gjitha…

Edi Rama: Jo Komandant mirë është puna, dje firmosa edhe Memorandumin e Kuçit, do marrim 74-78 vota, është e sigurt. E noterizoi edhe Damian Gjiknuri!

Enver Hoxha: Çfarë Gjiknuri ore, ai të duhet për të vjedhë e jo për noter. Ke parë gjë ndonjë Gjiknur për 45 vjet në rrethin tim ore, ti ke rrjedhur fare! Pse orë e çast do të marrë në telefon… Gomar për gomar mbaje Liken afër, ai të duhet!

Edi Rama: Po Likja iku me Saliun o Komandant, po na sulmon…

Enver Hoxha: Nuk iku, por e largove! Pse tu prish gjiza ty që ai vjedhë, po le të vjedhë, vodhëm dhe ne 45 vjet dhe sot njerëzit flasin se sa  mirë ishim, sa fabrika kishim, të papunë nuk kishim…

Edi Rama: Komandant, Unë dje isha në Vlorë, dhe ai më çoi haber “kujdes me Vlorën”! Pse do ti vëmë flakën përsëri Vlorës, po ne kemi ndërtuar Lungomaren…

Enver Hoxha: O gomar, ai mut muti na duhet ti mbajë afër sadistët tanë të Sigurimit!  Porodinin, Mehdi Bushatin veteranët tjerë, kush do ti dekoronte. Po ata janë llum o zotëri, i dekoroi ky katundari me demek po i shërben Partisë!

Meqë jemi te kollovarja e Kapove! Po me Andin ç’ke, e shef , ti e sulmon ai ikën në prehrin e Likës. Të kujtohet kur e mbaja në prehrin tim, mos ishte gjë analist, jo zotëri por ata Kapot mendonin se sa shumë ua dua nipçen. Po ç’nipçe o derrëzi, një njeri që shkruan te Nikoll Lesi çdo bëhet…

Dhe, derisa Enver Hoxha flet, asgjë nuk pipëtin, kjo e tmerron…

Enver Hoxha: Edo, aty je?!

Edi Rama: Po Komandant!

Enver Hoxha: Dhe, kështu që thua ti, lëri ato marrëzira me Memorandume, dhe ku në Kuç! Ata i përdorëm si vrasës, tash mburren që janë të kuq dhe merret Lali Eri me ta. Liken o zotëri, Likes jepi atë që kërkon, ai lekë kërkon dhe atë me vaksinat mos e ndalo, terrorizoje miletin, atë e kanë edhe bukë edhe gjellë!

Edi Rama: Të pëlqeu ajo me Albcontrolin!

Enver Hoxha: Shumë e bukur… dëgjohet një zë në sfond, pyete të lutem, pyete, por Enveri si boss i krimit që është humb durimin, gërthet:

Enver Hoxha: Ooo Beqo, më lërë rehat, po ku i plas Edi Ramës për mbesën tënde, sa mua për ty…

Kryeministri Rama i paqartë ndërhynë:

Edi Rama: Dajua i kujt është?!

Enver Hoxha: Po çfarë daje o njeri, Beqir Balluku po pyet për mbesën, ç’e ke atje, shefe kabineti, ministre Kastrati, Salillari apo e Gjokës, se nuk po e marrë vesh këtë qeverisjen tënde.

Edi Rama: Jo mo gocë e mirë është ajo…

Enver Hoxha: Po, po, ishte grua e bëre gocë, ty të lumtë, po meqë je në shtëpi mos e ngrit zërin, se dhe ti ke një Nexhmije në shtëpi, e po përfundon rrugëve të Surrelit.

Edi Rama:  Ke të drejtë…

Enver Hoxha: E meqë kam të drejtë, me Liken do rrish urtë, se nuk i dihet 25 Prillit, mund të duhen votat e tij dhe nuk e thërras dot më Sllobodan Millosheviçin që të ndërhyjë si në vitin 2013, se e takova një ditë dhe mu ankua se e ke qelbur fare.

Edi Rama: Pse e kam qelbur, po Mini Shengeni!

Enver Hoxha: Po mu ankua se po flirton me radikalët, me atë Aleksandar Vuçiçin. O zotëri, mirë të duket, sikur Presidenti i Serbisë të bashkëpunoj me Skender Gjinushin dhe jo me ty. Po ku e lejon Sllobua këtë gjë! Vuçiçi është shërbëtor i komunistëve serbë, pra vëllezërve tanë. Partinë Radikale e krijoi Sllobua për sistem shumëpartiak jo për ti zëvendësuar komunistët serbë, lexo o vëlla pak lexo, rilexo edhe historinë e Serbisë si gjyshi yt Pilo, se ke filluar vetëm historinë e Turqisë e lexon.

Edi Rama: Jo o Komandant, por dua ti di ca gjëra edhe për Turqinë sepse…

Enver Hoxha: Turkut ti nuk ia fut dot, sikur edhe Barba Pilo të të vijë atje. Osmanlliu të ndihmon për veten e vet, dhe mos u bëjë gomar si Likja me Gjingjiçin, Erdogani yt ndërton aeroportin e Vlorës për ti hip Shqipërisë e jo avionit…

Edi Rama: Po, por Likja…

Enver Hoxha: Mjaft më me Liken, sikur e mbyllëm, ti bënë gallatë me Vuçiçin e Likja ndërton pallate në Serbi, merr lekë. Unë po të them, Likja është hyzmeqar i partisë, po vodhi pak, punë e madhe, i ka Mona 11 banjo në shtëpi, do i bëjë 13, e pastaj… Partia duhet të fitoj!

Edi Rama: Si urdhëro Komandant!

Enver Hoxha: Po diçka tjetër na thuaj!

Edi Rama: U zgjova sot në mëngjes, kur mu kujtua 11 Prilli…

Enver Hoxha: Lëre, lëre mos u bëjë si Kristaqi, mos ke ndonjë pikturë për të vënë në ndonjë shesh qyteti apo çfarë halli ke…

Edi Rama: Jo, mu kujtua Nëntori 2, e po i thosha Lindës si do bëhet Prilli 2…

Enver Hoxha: Edo, mos ke frikë na vdekja, mos u merr me Janullatosin, këtu në ferr është shumë më mirë, apo me atë Frendon se kohëve të fundit na je bërë dhe katolik. Gjithsesi, këtu në ferr të gjitha i kemi, mbrëmë biles isha në darkë me atë kurvën serbe, Jovankën! Më fliste se sa të mirë jemi ne shqiptarët në krevat, u mundua të më bëjë dhe xheloz kur në një moment i ra telefoni, e po më thotë se e kanë pa Nexhmijen me Titon. Unë fillova të gajazem… Ç’dreqin ke më tha!

Po kështu jua fusim ne serbëve, me këto që ata mendojnë se janë edhe femra!

Edi Rama: Mos thuaj ashtu për shoqen Nexhmije!

Enver Hoxha: Pse mos e ke afër diku Malon apo Besnikun! Hahaha se ata mërziten për te!

Edi Rama: Jo mo Malon e përdori vetëm kur nuk më dalin votat, dhe mirë që ma kujtove se ndoshta edhe më duhet më 26 Prill të bëjë ndonjë Letër të hapur!

Enver Rama: Të iki unë tash pa merak, se erdhi dhe Hysniu do të vemi në gjueti…

Edi Rama: Pse ka kafshë atje?!

Enver Hoxha: Pse ç’më duhen kafshët o zotëri, ka plotë kosovarë dhe çamë që më çanë bithën gjithë ditën duke më thonë se sa të kemi dashur Ne… E Hysniu…

Edi Rama: Cili Hysni???

Enver Hoxha: Hysni Kapo o Edooo se mendjen e ke te Likja… e më thotë Hysniu, kishe të drejtë o shoku Enver kur thoshe se këta duhet vrarë, e unë të kundërshtoja kot. Tani jemi të një mendje dhe i vrasim për kokërr të qejfit si kosovarët ashtu dhe çamët që u flijuan për Enverin dhe Zërin e Popullit në dorë. Të gjithë ata budallenj i kemi këtu në ferr…

Ika pra se më çau trapin ki gjyshi i Andit të Nikollës që ti i bëre dalje kot!

Edo, paçim, paçim, ruaje këtë numër celulari, dhe po të kesh nevojë vetëm thuaji që të lidh, dhe Titua më gjenë ku jam e ku nuk jam…

Të na rrojë Partia!