Shkodër, Pedagogët me Bushatin: Suksesi i reformës së Ramës, mbyllja e gjysmës së degëve të Universitetit!

Numri i ulët i studentëve, nënvlerësimi i figurës së arsimtarëve , mbyllja e degëve të ndryshme në Universitetin e Shkodrës “Luigj Gurakuqi”,  trajtimi ndryshe i universitetit publik me atë privat dhe rroga e ultë e pedagogëve ishin disa problematikat që Drejtuesi politik i PD për Qarkun Shkodër, Helidon Bushati, bashkë me  kandidatët e tjerë të Partise Demokratike, diskutuan në një takim me pedagogë të këtij Universiteti. 

Pedagogët evidentuan si problem themelor  emigrimin e rinisë, duke u shprehur se kjo është pasqyruar në uljen e numrit të studenteve në auditore. Numri i ulët i studentëve në Universitetin e Shkodrës “Luigj Gurakuqi” është një këmbanë alarmi që bie për secilin prej nesh, për shkak të keq qeverisjes 8-vjeçare të Edi Ramës. Sipas pedagogëve, shkaku kryesor për këtë emigrimin masiv por edhe numri i ultë i studentëve në universitetin “Luigj Gurakuqi”, është pasiguria ndaj të ardhmes në këtë vend dhe mungesës së mbështetjes të të rinjve.

Pasi u njoh me shqetësimet e pedagogëve, Helidon Bushati u shpreh  se arsimi është në fokusin e programit të Partisë Demokratike dhe Kryeministrit të ardhshëm Lulzim Basha. 

“Qeveria e dalë nga vota e 25 prillit, vendimi i parë që do të marrë është anulimi i këtij ligji dhe vënia në funksion të autonomisë universitare. Gjithashtu, edhe sa i takon rrogës së pedagogëve, Partia Demokratike ka një plan, ku rroga për pedagogë nga 900 euro dhe për profesorë nga 1300 euro,” tha Helidon Bushati duke shtuar se do të financohen kostot për familje me të ardhura nën 640 mijë lekë të vjetra në muaj, do të paguajmë 10 mijë stazhe 12 mujore për studentët më të mirë dhe 36 milionë euro për dixhitalizimin.”

Arben Prendi, Pedagog: Problemi i universitetit tonë këto ditë është se një pjesë e mirë e degëve janë në kushtet e mbijetesës. Qeveria thotë që gjatë këtyre viteve reforma ka arrit sukses, suksesi mesa duket është ky që gjysma e degëve të universitetit me shku në mbyllje. Ky sukses është i cuditshëm, me punu qeveria me pas kyt sukses , mu më duket e cuditshme dhe nuk e di cfarë prespektivet do të mendojnë për të ardhmen nqs gjysma e universitetit do të mbyllet. Kena ba përpjekje disa herë për me komuniku me qeverinë, ka qenë e pamundur sepse gjithmonë na kanë “tund” ligjin. Ligji thotë kështu , ligji duhet me u zbatu kështu.

Por, nqs ligji thotë me mbyll një univerisitet atëherë ku është ana pozitive e këtij ligji ?Prandaj, unë do të kërkosha që nqs ju do të jeni shumicë , uroj të jeni shumicë në parlamentin e ardhshëm, ligji i prë që do të ndryshoni është ligji për arsimin e lartë. Nqs e krahasojmë me para 8 vjetve, unë persoanalisht dhe shumë kolegë konstatojmë se jena mrapa. Nota mesatare që ka vendos qeveria gjatë këtyre vieteve, ka detyruar edhe studenta shumë të mirë, me notë mesatare shumë të mirë me ik jashtështetit. Pra, nuk është ky kriteri i notës mesatare që na e “tundin” si flamur andej këtej, në fakt është e kundërta sepse janë duke largu edhe studentët me mesatare 9.7,9,8.5.

Pra, nuk funksionon ajo që thotë qeveria që mesatarja është çelësi i artë, çelësi magjik. Vendosni në vend dinjitetin e pedagogut edhe përmes një pagët më të mirë, por edhe përmesë kushteve më të mira të punës edhe përmes mbështetjes në aspektet e tjera. 

Adem Bekteshi, Pedagog: Sot, ne hasim vështërsi në degët e mësuesisë. Vështërsia nuk është vetëm tek mesatarja , vështërsinë e shoh më thellë. Po të vëmë re këto vitet e fundit, figura e mësuesit duke fillu që nga klasa e parë deri në fund të shkollës së mesme , po edhe figura e pedagogut është zhvlehtësuar si figurë. është zhvlehtësu qoftë në aspektin e përgjegjësisë që ka pas mësuesi , qoftë edhe në aspektin financiar në krahasim me profesionet e tjera.

Violeta Alushi, Pedagog: Një problem tjetër është sepse ne edhe studentët që vijnë me mesatare të mirë në Shkodër, nuk arrijmë ti mbajmë për master sepse është kriju një larmi kaq e madhe e numrit të programeve, por ama nuk ka literaturë. Pjesa më e madhe e programeve në universitet janë vetëm me leksionet e pedagogëve. 

Gëzim Puka, Pedagog: Gabim është tek konceptimi i fakulteteve si fakultete mësuesie. Nuk ka asnjë lloj sensit që fakulteti i shkencave shoqërore apo fakulteti i shkencave të natyrës të na nxjerrin mësuesa. Nuk është në destinacionin absolutisht të këtyre fakulteteve. Fakulteti i shkencave të natyrës përgatit biolog, punonjës që merren me mjedisin , etj. Fakulteti i shkencave sociale përgatit njerëz që merren…shkrimtar, albanolog, etj. Pse duhet këto fakultete të nxjerrin edhe mësues? 

Emiljano Pjetri, Pedagog: Nuk mund të pranoj në asnjë mënyrë që universitete shtetërore të trajtohen ndryshe nga universitetet private duke u nis që nga mënyra dhe afatet e regjistrimeve pranë këtyre institucioneve të arsimit të lartë , ku universiteteve private i lihet në cdo moment 10 ditë – 15 ditë kohë më tepër sesa universiteteve shtetërore. Unë shpresoj që përfaqësuesit tan në parlamentin e ardhshëm të lobojnë fuqishëm që pranë universitetit “Luigj Gurakuqi” të jetë edhe programi i studimit në mjekësi.

Unë uroj që jo vetëm në katër vjecarin e parë, por 100 ditëshin e parë të qeverisjes që përkon me fillimin e vitit të ri akademik në Shqipëri shumë gjana të jenë ndryshe. 

Helidon Bushati: Ju jeni garantët e standartëve për të ardhmen , ju jeni ato që formëzoni të ardhmen , formëzoni studentët , ju jeni formëzuesit e studentëve. Problematikat që lidhen me arsimin janë problematika që ju i njihni shumë mirë. Unë e thash edhe më përpara si një njohës në cilësinë e një pedagogu të shumë viteve përpara , kam një lloj familjariteti me problematikat e arsimit , mungesa e investimeve , pagat e ulta .

Duke i’u referuar situatës në Shkodër, që lidhet me numrin e ultë të studentëve sidomos në disa degë , si e mësuesisë të cilët vëjnë në rrezik ekzistencën e fakulteteve dhe kjo për dy arsye mendoj unë, njëra arsye është pragu ose nota mesatare e vendosur nga institucionet qendrore dhe e dyta është pjesa e pamundësisë financiare.

Në këto kushte, Partia Demokratike ka një plan të qartë si përsa i përket studentëve, mundësisë së tyre për të vazhduar studimet duke eleminuar diskriminimin ekonomik, duke mundësuar që çdo studentë i cili ka mundësitë dhe dëshirën të mund të vazhdoj studimet. 

Në këto kushte , ne parashikojmë një ndihmesë financiare duke eleminuar gjitha taksat universitare për studentët të cilët vijnë nga familje me të ardhura nën nivelin e 640mijë lekë të vjetra në muaj. Për ato që janë mbi 640 mijë lekë të vjetra në muaj ka një përgjysmim të tarifave, dmth një 50% të tarifave universitare dhe gjithashtu për studentët që vijnë nga familjet me probleme ekonomike apo familje në nevoj kemi 5000 bursa,të cilat mbulojnë jo vetëm tarifat universitare por mbulojnë të gjithë shpenzimet universitare vjetore të studentëve. Kjo bëhet për të mundësuar që cdo njeri që mbaron shkollën e mesme të ketë mundësi të vazhdoj ciklin universitar pa u disktiminuar nga situata, nga gjendja ekonomike. 

Partia Demokratike, në fokus të saj ka mundësimin e studimeve për studentët. Paga e pedagogëve do të bëhet 900 euro dhe profesorëve 1300 euro , po ashtu edhe paga e mësuesi do të shkoj në 700 euro është një pagë që i intereson një pjese të madhe , është ndofta pjesa më e madhe e trupës mësimore për të treguar vëmendjen që do të ketë qeverisja e Partisë Demokratike edhe për arsimin para universitar. Shifra e dytë që desha të jepja është në përqindje , 5.1% e prodhimit të brendshëm bruto do të shkoj për arsimin .