A do t’i shtrijë dorën e bashkëpunimit Jozefina Topallit? Ja reagimi i Lulzim Bashës

Një ditë më parë u raportua se dy nga kritikët e kreut demokrat, ish-ministrat e PD-së, Genc Ruli dhe Besnik Mustafaj, zhvilluan një takim dhe konsumuan një kafe në selinë e partisë më të madhe opozitare me Lulzim Bashën.

Sot në një konferencë për mediat, Basha u pyet për këtë takim, duke thënë “ishte një kafe miqësore, s’kam asgjë që ti shtoj apo ti heq atyre që kanë thënë Besniku e Genci”.

Pyetur nga gazetarët nëse të tilla përpjekje do të bëhen edhe me Jozefina Topallin, Arben Imamin dhe të tjerë kritikë të tij, Basha u shpreh se “dora ime do jetë e shtrirë për këdo që do vijë të kontribuojë në këto orë kritike, qofshin ata që i takojnë historikisht shtëpisë së tyre demokratike, qofshin këta të rinj”.