A po tallet Edi Rama me Komunitetin Politik Evropian apo…
Derisa me përfundimin e takimit të tretë në Granadë të Spanjës, një zyrtar i lartë i Bashkimit Evropian tha tetorin e vitit të kaluar për revistën e BE “Politico” se Komuniteti Politik Evropian po shpërbëhet, mëngjesin e sotëm, me përfundimin e takimit të katërt të këtij Komuniteti në Londër, nuk mund të thuhet më se ai është në koma dhe qëllimi i tij është i paqartë, siç alarmonte “Politico” për mosuksesin në disa aspekte!
Sot Edi Rama u mundua ta shpëtoj qëllimin e vetëm që i ka mbetur këtij Komuniteti – Llaftore, pasi dështoi si “stacion në gjysmë të rrugës për anëtaret e ardhshme të BE”, ose, si “forum rajonal i liderëve evropianë për marrjen e vendimeve për uljen e tensioneve”, siç deklaronte “Politico” me shqetësim, por kryeministri shqiptar nxitoi, siç nxitoi me objektivin e arritshëm me 14 milionë turistë për vitin 2024!
“Mirëmëngjes! Dhe me lajmin e bukur se Samiti i Komunitetit Politik Europian që u mbajt dje në Londër, vitin tjetër do të mbahet në Tiranë si një tjetër fakt kuptimplotë i pozicionit të ri të vendit tonë në arenën ndërkombëtare, ku deri dje jo vetëm s’mund të imagjinohej të respektoheshim si të barabartë e të bëheshim stacion europian aktivitetesh të nivelit më të lartë politik, po shikoheshim si një periferi e prapambetur ballkanike, ju uroj të gjithëve një ditë të mbarë,” ishte zgjuar sot i ekzaltuar Kryeministri Edi Rama duke ju drejtuar patronazhistëve përmes rrjetit social Facebook që tashmë nuk e kanë mendjen te “sukseset” e lideri pasi kanë filluar ti nxjerrin sytë njëri-tjetrit për milionat e vjedhur meqë edhe SPAK-ut i kanë dalë jashtë kontrollit, dhe nuk po ju bënë derman më as me ato publikime të urdhëruara nga partia!
Nëse Edi Rama është tallur me Komunitetin Politik Evropian dhe i është vetëofruar që takimi i radhës të mbahet në vitin 2025 në Tiranë, vit ky zgjedhor në Shqipëri, atëherë me kë tallet ky Komunitet kur pranon ofertën e një Kryeministri që me zgjedhje të lira dhe të ndershme nuk do të ketë mundësi ta organizoj këtë takim, meqë humbjen e ka të garantuar!
-Me raportet ndërkombëtare që flasin për strofullën e prodhimit dhe trafikut të drogës, pastrimit të parave dhe krimit të organizuar më të sofistikuar në Evropë, Qeverisë së Strukturuar Kriminale Shqiptare!
-Me shqiptarët, që shpresojnë se zgjedhjet parlamentare të viti 2025 as nuk do të mund të vjedhen dhe as nuk do të mund të blehen nga Edi Rama sepse do të jenë të monitoruara nga komuniteti ndërkombëtar!
-Me patronazhistët e Edi Ramës që aq shumë janë majur nga milionat e vjedhur sa në çdo thirrje telefonike presin urdhërin për tu viktimizuar si kurban për partinë dhe fletëarrestin nga SPAK, sepse zgjedhjet i kanë para dhe duhet fituar me patjetër!
-Me të sëmurët që presin ditën kur do të ikën kjo qeveri hajdutësh që ti kthehen mjekimit normal me fonde publike duke shpëtuar përfundimisht nga zhvatja ekstreme për 12 vjet e Spitalit që blen Spitale!
-Me prodhuesit që po falimentojnë me politikën fiskale të ca analfabetëve që janë mbledhur përreth Edi Ramës dhe i janë bindur se rritja ekonomike shqiptare mund të bëhet vetëm duke mbjellë drogë, siç e pranoi ish-zv/kryeministri Arben Ahmetaj!
-Me shqiptarët e Veriut që ju lejohet të lëvizin pa lekë në rrugët e Shqipërisë vetëm poshtë Fushë Krujës!
-Me kosovarët që sikur ishin vjet 4.6 milionë si turistë, ashtu dhe këtë vit vetëm 1.7 milionë, janë të preferuarit e Edi Ramës!
-Me çamët që Edi Rama mendon se i bindi, se më mirë është të quhet Projektdeklaratë se sa Projektrezolutë, dhe se për të kërkuar “heqjen e ligjit të luftës” së pari duhet kërkuar “forcimin e bashkëpunimit me Republikën e Greqisë”, po kësaj Greqie që me dhunë e detyroi ta kandidoi për Partinë Socialiste një grekofil në Himarë!
-Me afrikanët e Shëngjinit që kryeministrja italiane, Giorgia Meloni, mendon se i bindi se është e njëjta gjë të jeshë refugjatë si në Itali ashtu dhe në shtetin e Edi Ramës!
Apo, takimi i paraparë më 7 Nëntor 2024 në Hungari si kryesyese e radh së BE do të mbahet përkundër paralajmërimeve për anulim, pasi kandidati republikan për President të SHBA, Donald Trump, do të fiton zgjedhjet dhe kjo Llaftore do të detyrohet të shuhet ose të ndryshoj rrënjësisht së bashku me vetë idetë e Presidentit të Francës, Emmanuel Macron, që propozoi këtë Komunitet pas pushtimit të Ukrainës nga Rusia, në tetorin e vitit 2022.
Pas shpalljes së fundit të pushtimit rus të Ukrainë nga Presidenti i ri i Amerikës, dhe rikthimit të Vladimir Putinit aty ku e ka vendin, ideja e Emmanuel Macron që Komuniteti Politik Evropian të siguroj platformën për koordinimin e politikës në mes të shteteve evropiane, nxitjen e dialogut dhe bashkëpunimit me qëllim të zgjidhjes së çështjeve me interes të përbashkët, në mënyrë që të forcohet siguria, stabiliteti dhe prosperiteti i Evropës nuk do të ketë më kuptim, pasi, sot, gjithçka ndërlidhet me luftën në Ukrainë!
