Akademi përkujtimore, 14 vjetori i vdekjes së Presidentit Rugova

Lidhja Demokratike e Kosovës, LDK, ka mbajtur Akademi përkujtimore me rastin 14-vjetorit të vdekjes së Presidentit Ibrahim Rugova.

Me këtë rast kryetari i LDK-së, Isa Mustafa, tha se ish-presidenti Rugova, ishte artikuluesi më i mirë për liri dhe pavarësi të Kosovës.

Kryetari i LDK-së, para anëtarësisë dhe qytetarëve që kishin ardhur për të nderuar ish-presidentin Rugova, nuk u deklarua rreth formimit të koalicionit qeverisës me Lëvizjen Vetëvendosje, por përmendi gjithë angazhimin e ish-presidentit Rugova për LDK-në dhe Kosovën.

Ndryshe, gjatë ditës, Kryesia e LDK-së ka bërë homazhe te varri i ish-presidentit Rugova, si dhe kanë vizituar familjen Rugova.