Video/Aksident i rëndë në Itali, 2 të vdekur dhe të paktën 70 të plagosur

2 të vdekur dhe të paktën 70 të plagosur. Ky është bilanci i aksidentit të rëndë që ndodhi sot në mesditë në autostradën pranë Bolonjas, në veri të Italisë, kur një autobot me lëndë djegëse pasi u përplas me një kamion, shpërtheu brenda pak sekondave në flakë.

Nga shpërthimi u rrëzua pjesa e një ure, ndërsa zjarri u përhap në një parking pranë duke çuar në shpërthime të tjera. Mediat italiane raportojnë gjithashtu se të dëmtuara kanë mbetur shumë dritare të shtëpive përreth.

Autoritetet i druhen fakti se numri i viktimave mund të rritet.

Dëshmitari: Pashë vdekjen me sy

Yassine Chentouibi, i cili së bashku me vëllain e tij ndodheshin në makinë në momentin e “Apokalipsit” është dëshmitari i parë i cili ka rrëfyer për shpërthimin e autobotit dhe situatën që u krijua në vendngjarje ku vetNdjeva trupin tim të djegur, njerëzit rrëzoheshin, makinat përplaseshin ai fillimisht ndjeu trupin e tij të djegur derisa njerëzit rrëzoheshin, dhe makinat përplaseshin.

“Kam parë  vdekjen me sy, më djeg i gjithë trupi. Kur pashë flakët, vrapova për të dalë nga mbikalimi. Pastaj pashë karabinierët duke u larguar nga makina, por unë u sëmura pas shpërthimit. Ndjeva trupin tim të djegur, njerëzit rrëzoheshin, makinat përplaseshin. Kam flluska në këmbë, në krahët e mi, në qafë. Gjithçka më djeg”,  tha Yassine, i cili po mjekohet në spital.