Greqi, qeni kap 53 kg marijuanë , arrestohen dy shqiptarë

Gjatë një operacioni në Artë, policia greke ka sekuestruar 53 kg marijuanë dhe ka arrestuar dy shqiptarë.

Mësohet se policia ka ndjekur një automjet të dyshuar që vinte nga kufiri. Operacioni u finalizua në Kompoti, Artë ku u ndalua një mjet dhe u arrestuan dy shqiptarë, një vajzë 21-vjeçare dhe shoferi 33 vjeç.

Me ndihmën e qenit të policisë, në hapsira të veçanta që ishin ndërtuar brenda mjetit për të transportuar drogë, u gjetën dhe sekuestruan 52 pako me 53 kg 620 gram marijuanë. Pakot ishin të lidhura me litarë që ndihmonin në nxjerrjen e tyre jashtë mjetit.