Aksident i rëndë në Itali, plagosen 3 shqiptare, mes tyre një fëmijë 6 vjeç

Një aksident i rëndë ka ndodhur në autostradë në Torino të Italisë, ku të plagosur kanë mbetur tre femra shqiptare.

Dy prej tyre, ndodhen në gjendje të rëndë shëndetësore: një grua 35 vjeçe dhe vajza e saj 6 vjeçe.

“Corriere della Sera” raporton se vajza ndodhet në repartin e reanimacionit të spitalin të fëmijëve “Regina Margherita”.

Si pasojë e aksidentit, ajo ka marrë plagë në kokë, bark dhe kraharor. Ndërsa e ëma ndodhet në spitalin “Cto”, me dëmtime në kokë dhe kraharor.

Në aksident u përfshinë një makinë “Ford Fiesta” dhe një fugon tip “Renault”. Një 21-vjeçare shqiptare u plagos gjithashtu në aksident.