Aksident i rëndë/ Rruga e Kombit, humb jetën 13 vjeçarja…

Një aksident i rëndë ka ndodhur rreth orës 11:00, në fshatin Gëziq në Rrugën e Kombit ku ka humbur jetën një vajzë 13-vjeçare ndërsa është plagosur rëndë babai i saj.

Aksidenti fatal ka ndodhur në momentin kur drejtuesi i mjetit tip “Toyta Yaris”, G.I. 44 vjeç, banues në Tiranë, në fshatin Gëziq, ka humbur kontrollin duke u përplasur me trafikndarësen.

Si pasojë e përplasjes, vajza S.I. 13 vjeç, e cila ishte pasagjere, ka humbur të dyja këmbët, dhe ka ndërruar jetë më vonë në spital. Ndërsa ka mbetur i plagosur drejtuesi i mjetit.

Mësohet se Ambulanca ka vonuar më shumë se 40 minuta për të arritur në vendin e ngjarjes ndërkohë policia po kryen hetimet në vendin e ngjarjes.

Njoftimi i policisë

Rreth orës 10:40 në autostradën Milot – Morinë, në vendin e quajtur “Fshati Gëziq”, shtetasi G.I., rreth 44 vjeç, banues në Tiranë, duke drejtuar automjetin e tij ka humbur kontrollin duke u përplasur me trafikndarësen.

Për pasojë ka humbur jetën vajza e tij e mitur S.I. rreth 13-vjeçe, e cila ishte pasagjere në mjet, ndërsa drejtuesi i mjetit ndodhet në spital nën kujdes mjekësor.

Grupi hetimor vazhdon hetimet në vendin e ngjarjes për zbardhjen e plotë të rrethanave të aksidentit.