Aksident në Autostradën “Ibrahim Rugova”, 1 i vdekur dhe 4 të plagosur

Një i vdekur dhe katër të plagosur, është bilanci i një aksident trafiku që ndodhi mëngjesin e sotëm në Autostradën “Ibrahim Rugova”.

“Është raportuar një aksident i rëndë trafiku (vetëaksident) me pasoja fatale, të shkaktuar rreth orës 10:00 në autostradën ‘Ibrahim Rugova’, ku një person (femër/viti i lindjes 2002) ka humbur jetën dhe katër persona të tjerë kanë marrë lëndime trupore”, tha për RFE zëdhënësi i Policisë së Kosovës, Daut Hoxha.

Policia është duke hetuar shkaqet dhe rrethanat se si ka ndodhur ky aksidenti.