Aksident në Mirditë, 68 vjeçari humb jetën pas përplasjes me makinë. Dyshohet se…

Policia e Mirditës ka shoqëruar një shofer 60 vjeçar, pasi ka përplasur 68 vjeçarin Mark Gjeta, i cili më pas ka ndërruar jetë.

Sipas policisë, dyshohet se M.G ka goditur me qëllim me automjetin e tij tip “Benz ”, shtetasin Mark Gjeta, 68 vjeç, banues në fshatin Bungaj, ku për pasojë ka gjetur vdekjen.

Njoftimi i policisë:

Mirditë/Informacion paraprak

Rreth orës 13:00 ,në fshatin Bungaj, Mirditë shtetasi M.G.,60 vjeç, ka goditur me automjetin e tij tip “Benz ” shtetasin Mark Gjeta,68 vjeç, banues në fshatin Bungaj, Mirditë, ku për pasojë ka gjetur vdekjen.

Nga sherbimet e Policisë Mirditë është kapur shtetasi M.G., dhe  shoqëruar në Komisariatin e Policisë Mirditë, bashkë me automjetin për veprime të mëtejshme.

Grupi hetimor në vendngjarje po punon për zbardhjen e sqarimin e plotë të shkakut dhe rrethanave të ngjarjes.