Aksident tragjik në Korçë, vinçi zë poshtë punëtorin

Një ngjarje e rëndë ka ndodhur pak pas mesditës në një kantier ndërtimi në Korçë kur vinçi ka zënë poshtë një punëtor duke e lënë të pajetë.

Mësohet se punëtori i aksidentuar është Elvis Josifi, 35 vjeç.

Punëtori ishte duke punuar në katin e katërt në kantierin e një pallati kur vinçi e ka goditur fillimisht në kokë e më pas duke e zënë poshtë. Policia ka rrethuar zonën, ndërkohë në vendgjarje janë dhe zjarrfikësja dhe ambulanca.

Ngjarja ka ndodhur afër terminalit të qytetit ndërkohë policia ka dhënë dhe detajet e para.

Informacion paraprak

Më datë 03.01.2020, rreth orës 12:17, jemi njoftuar se në lagjen nr. 9, pranë stacionit të autobuzëve, në një objekt në ndërtim, dyshohet se është aksidentuar gjatë punës, shtetasi E.J., rreth 35 vjeç, banues në Korçë, i cili për pasojë ka gjetur vdekjen.

Grupi hetimor po punon për zbardhjen e rrethanave dhe shkaqeve të ngjarjes.