Aksidenti i rëndë në Kakavijë, autoambulanca përplas për vdekje 10-vjeçarin

Situata e rëndë që u krijua në vendkalimin Kakavijë, mëngjesin e sotëm u rëndua edhe më shumë duke marrë jetë njerëzish. Një fëmijë i moshës 10 vjeç është përplasur nga autoambulanca e cila po transportonte një të sëmurë në spitalin rajonal të Gjirokastrës.

Përplasja ka qenë fatale për jetën e vogëlushit ndërsa dëshimtarët okular flasin për një autoambulancë që po lëvizte me një shpejtësi skëterrë dhe fëminë i cili po kalnte rrugën pranë fshatit Bularat.

Pas aksidentit ka reaguar edhe Policia e Gjirokastrës duke dhënë detajet e para rreth aksidentit të rëndë ndodhur në fshatin Bularat.

“Rreth orës 10:30, në aksin nacional Kakavije – Gjirokastër, në afërsi të kthesës së Bularatit, një autoambulancë me drejtues shtetasin A. G, që po transportonte një shtetase të sëmurë për në spitalin rajonal Gjirokastër, ka përplasur këmbësorin, shtetasin S. N., 10 vjeç, banues në Lezhë, i cili ka humbur jetën,” informon policia e Gjirokastres.

Drejtuesi i ambulancës është shoqëruar për në ambientet e Komisariatit të Policisë Gjirokastër, ndërsa shtetasja e sëmurë është transportuar me makinë policie drejt spitalit rajonal Gjirokastër.

Në vendngjarje ndodhet grupi hetimor dhe po punon për zbardhjen e plotë të ngjarjes.