Aksidenti me pasojë vdekje, viktima shqiptar i Maqedonisë/Emri

Identifikohet viktima e aksidentit rrugor të ndodhur në aksin Prrenjas-Librazhd, në vendin e quajtur Ura e Bushtricës. Sipas një njoftimi të policisë së Elbasanit, viktima quhet Zyrdi Hasani, 60 vjeç, banues në Gostivar.

Njoftimi:

Në aksin rrugor Prrenjas-Librazhd, te vendi i quajtur “Ura e Bushtricës”, mjeti motoçiklet me targa GV 3425 AD me drejtues shtetasin Zyrdi Hasani 60 vjeç, banues në Gostivar Maqedoni, ka dalë nga rruga.

Si pasojë e daljes së motoçikletës nga rruga është aksidentuar vetë drejtuesi i mjetit, i cili u transportua menjëherë në Spitalin e Librazhdit, por si pasojë e plagëve të marra ka ndëruar jetë në spital.

Grupi hetimor ndodhet në vendngjarje dhe po punon për zbardhjen e plotë të shkakut të aksidentit, ku nga veprimet paraprake dyshohet se shkak është lagështia në rrugë.