Aksidenti në Laç-Lezhë, policia jep detaje paraprake…

Policia ka dhënë detaje lidhur me aksidentin e ndodhur mesnatën e së hënës në aksin Laç-Lezhë, në afërsi të kryqëzimit të Spitnit.

Si pasojë e aksidentit humbi jetën shtetasja P.P, 62-vjeçe banuese në Shkodër.

Viktima po lëvizte në anë të rrugës kur u përplas nga një automjet tip “Benz” që drejtohej nga shtetasi L.GJ 54-vjeç banues në Pukë.

Goditja ka qenë e fortë, duke i shkaktuar vdekjen e menjëhershme 62-vjeçares, bëjnë të ditur burime policore.

Policia shoqëroi në komisariat drejtuesin e mjetit për të sqaruar rrethanat e aksidentit.

Nga të dhënat parapake bëhet e ditur se shkak për aksidentin është bërë errësira në rrugë si dhe shpejtësia me të cilën po lëvizte drejtuesi i automjetit.

Ai nuk e ka parë gruan që po lëvizte në anë të rruges, duke sjellë edhe përplasjen fatale.