Aksidenti tragjik/ Filipçe: 14 viktima të konfirmuara, 7 në gjendje të rëndë

Ministri i Shëndetësisë i Maqedonisë, Venko Filipçe pasi vizitoi me kryeministrin Zoran Zaev, spitalin “8 Shtatori” në Shkup konfirmoi se janë 14 viktima dhe jo siç është raportuar 15 në mëngjes, ndërsa 4 të tjerë janë në gjendje të rëndë.

“Në këtë moment në Spitalin Ushtarak janë katër persona që janë në mjekim intensiv. Deri tani janë të vdekur 14 persona”, tha Filipçe. 

Ndërsa, drejtori i Spitalit Ushtarak tha që qytetarët mund të jenë të sigurt se ekipet mjekësore në këtë spital po u ofrojnë gjithë mjekimin e duhur

Ndryshe, edhe 3 persona po trajtohen në reanimacionin e Klinikës Universitare “Nënë Tereza”, ku jan dhe 8 të tjerë por në gjendje më të mirë shëndetësore. Në spitalin “8 shtatori” janë dhe 26 persona me gjendje më të mirë, 2 në spitalin e Tetovës dhe 1 në atë të Gostivarit.

Pas tragjedisë, Qeveria e Maqedonisë së Veriut, 14 dhe 15 Shkurtin i ka shpallur Ditë zie.