Aksidenti tragjik në liqen, mbyten 11 turistë

Të paktën 11 persona humbën jetën pasi një mjet lundrues, me të cilin po udhëtonin u mbyt në një liqen në Misuri të Shteteve të Bashkuara të Amerikës.

“Barka e rosës”, siç njihet gjerësisht ky mjet, po transportonte 31 turistë në liqenin Table Rock, në afërsi të qytezës turistike Branson, kur u përmbys.

Moti i keq mbi liqen duket se ndikoi në përmbysjen e mjetit lundrues, por hetimet ende nuk kanë nisur, pasi autoritetet lokale janë përqendruar në gjetjen e 5 personave të humbur.

7 pasagjerë të tjerë të barkës u dërguan në spital me plagë serioze.

Autoritetet lokale thanë se banorët e zonës ishin lajmëruar për motin e keq, por duket se barkat turistike vazhduan gjithsesi me programin e tyre.

Fatkeqësisht, njëra prej tyre nuk mundi t’ia dalë.