Aksion në veri të Kosovës, korrupsion, ryshfet dhe keqpërdorim të detyrës zyrtare në Dogana

Policia e Kosovës ka asistuar Doganën në një aksion në veri të vendit mëngjesin e sotëm ku janë arrestuar disa persona të dyshuar për korrupsion, marrje ryshfeti dhe keqpërdorim të detyrës zyrtare.

Lajmin e ka konfirmuar Zv/Drejtori i Policisë së Kosovës në veri, Veton Elshani, i cili tha se bastisjet në këtë rajon kanë përfunduar.

Ndërkohë zëdhënësi i Prokurorisë Speciale të Kosovës, Ekrem Lutfiu duke konfirmuar se aksioni është bërë me urdhër të Prokurorisë Speciale, ai saktësoi se dyshohet për veprat penale korrupsion, marrje ryshfeti dhe keqpërdorim të detyrës zyrtare.

Mësohet se në këtë aksion janë arrestuar disa persona.