Akull dhe ngricë, ARRSH: Reshje dëbore ka pasur vetëm në Llogara! Situata…

Ndonëse situata e krijuar nga moti i keq po shkon drejt normalizimit pas ndërprerjes së reshjeve të dëborës dhe shumica e akseve rrugore janë të kalueshme, disa zona në veri vijojnë të mbeten të izoluara dhe sot po punohet për hapjen e rrugëve në Orosh të Mirditës, ku fshatrat Ndërshen, Nënshejt dhe Lajthizë vazhdojnë të jetë të izoluara dhe me probleme me energjinë elektrike, Autoriteti Rrugor Shqiptar, ARRSH, raporton se gjatë orëve të natës dhe në mëngjes reshje dëbore ka pasur vetëm në Llogara ku është punuar për pastrimin dhe shpërndarjen e kripës.

“Temperaturat kanë qenë të ulëta, deri në -7 në zonat malore. Grupet e punës të mirëmbajtjes kanë punuar pa ndërprerje në të gjitha akset me prezencë dëbore për shpërndarjen e kripës me qëllim evitimin e ngricave. Qarkullimi vijon pa probleme në të gjitha akset nacionale,” thekson ARRSH duke këshilluar drejtuesit e mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore.

Njoftim:

Gjatë orëve të natës dhe në mëngjes reshje dëbore ka pasur vetëm në Llogara ku është punuar për pastrimin dhe shpërndarjen e kripës.

Temperaturat kanë qenë të ulëta, deri në -7 në zonat malore.

Grupet e punës të mirëmbajtjes kanë punuar pa ndërprerje në të gjitha akset me prezencë dëbore për shpërndarjen e kripës me qëllim evitimin e ngricave.

Qarkullimi vijon pa probleme në të gjitha akset nacionale.

Drejtuesit e mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore