Akuza, Washingtoni: Pekini dhe Moska, dezinformim për koronavirusin

Shtetet e Bashkuara kanë akuzuar Kinën dhe Rusinë se kanë përshpejtuar bashkëpunimin në propagandë rreth koronavirusit, dhe Pekini gjithnjë e më shumë po përvetëson teknikën ruse të dezinformimit.

“Para krizës me COVID-19 kemi vërejtur nivelin e caktuar të bashkëpunimit në mes të Rusisë dhe Kinës në lidhje me propagandën,” tha Koordinatorja e Qendrës për Analiza dhe parandalimin e propagandës së huaj pranë Departamentit të Shtetit, Lea Gabrielle.

SHBA: Interpretimi i pandemisë nga Rusia dhe Kina

“Me këtë pandemi, bashkëpunimi është përshpejtuar shumë,” tha ajo gjatë një telekonference me gazetarët, duke shtuar se Rusia dhe Kina dëshirojnë “të formësojnë interpretimin e pandemisë COVID-19 me qëndrimet që do të jenë në interesin e tyre”.

Paqe jetëshkurtër Kinë-SHBA  

Nga fundi i muajit mars kur presidenti amerikan, Donald Trump, dhe homologu i tij kinez, Xi Jinping, arritën një paqe joformale të luftës verbale në mes të dy vendeve, kur bëhet fjalë për prejardhjen e sëmundjes, Washingtoni ishte i kënaqur që Kina që nuk ka shpërndarë më në internet teori komploti për ndikimin amerikan. Por paqja ishte jetëshkurtër! Kina filloi të akuzoj Washingtonin për trajtimin e sëmundjes COVID-19, ndërsa kjo e fundit akuzoi autoritetet kineze se kanë fshehur fatkeqësinë në laboratorin prej nga shpërtheu pandemia.

Pekini sërish intensifikoi dezinformimin

Departamenti amerikan i Shtetit deklaron se Pekini ka intensifikuar fushatën kundër dezinformimit në mënyrë që të mbrojë menaxhimin kinez të epidemisë duke kritikuar Shtetet e Bashkuara.

Lea Gabrielle thekson se autoritetet kineze janë duke harmonizuar dhe duke përdor  gjithnjë e më shumë teknikat me të cilat Moska ka kohë që i zbaton.