Kalimi i Teatrit Kombëtar në pronësi të Bashkisë Tiranë, Basha: Akt lufte ndaj artit dhe qytetarisë!

Pas kalimit të Teatrit Kombëtar nga Ministria e Kulturës në pronësi të Bashkisë Tiranë, ka reaguar ashpër Kryetari i Partisë Demokratike, Lulzim Basha, duke e konsideruar akt lufte ndaj artit dhe qytetarisë dhe provokim ndaj BE dhe përfaqësuesve të saj në vigjilje të Ditës së Europës

“Ndërkohë që shqiptarët presin zgjidhje për krizën që ka pllakosur, Rama gjen kohë vetëm për të grabitur. Kalimi i TK në pronësi të kryebetonierit të mafias është akt lufte ndaj artit dhe qytetarisë dhe provokim ndaj BE dhe përfaqësuesve të saj në vigjilje të Ditës së Europës,” tha Kryetari i PD, Lulzim Basha në reagimin e tij përmes rrjetit social Twitter, pasi VKM për kalimin e pronësisë firmosur nga Kryeministri Edi Rama u publikua në Fletoren Zyrtare.

Ndryshe, Vendimi i Këshillit të Ministrave për kalimin në pronësi të Bashkisë Tiranë,  të truallit të “Teatrit Kombëtar” tashmë është botuar në Fletoren Zyrtare, për siç thuhet ndërtimin e një godine bashkëkohore dhe   me standarde të Teatrit  Kombëtar.

“Në mbështetje të nenit 100 të Kushtetutës, të neneve 13 e 15, të ligjit  nr.8743, datë 22.2.2001, “Për pronat e paluajtshme të shtetit”, të ndryshuar, dhe të neneve 3, shkronja “d”, 5, 7, 8 e 17, të ligjit nr.8744, datë 22.2.2001,

“Për transferimin e pronave të paluajtshme publike të shtetit në njësitë e  qeverisjes vendore”, të ndryshuar, me propozimin e ministrit të Kulturës, Këshilli i Ministrave.

V E N D O S I:

1.Kalimin  në  pronësi  të  Bashkisë  Tiranë,  të pasurisë    nr.1/241,    me    emërtimin “Teatri Kombëtar”, në  zonën  kadastrale  8150,  Tiranë, me sipërfaqe totale 5 522.7 (pesë mijë e pesëqind e njëzet e dy pikë shtatë) m2, me adresë: rruga “S. Toptani”,   Tiranë,   me   qëllim   ndërtimin   e   një godine   bashkëkohore   dhe   me   standarde   të Teatrit  Kombëtar,  në  konsultim  me  të  gjitha grupet  e  interesit,  sipas  hartës  kadastrale  që  i bashkëlidhet   këtij   vendimi   dhe   është   pjesë përbërëse e tij.

2.Bashkisë  Tiranë  i  ndalohet  të  ndryshojë destinacionin e pasurisë së përcaktuar në pikën 1, të këtij vendimi, ta tjetërsojë atë apo t’ua japë në përdorim të tretëve.

3.Pasuria  e  përcaktuar  në  pikën  1,  të  këtijvendimi,    i    shtohet    listës    përfundimtare    të pjesshme   të   pronave   të   paluajtshme   publike shtetërore,  miratuar  me  vendimin  nr.219,  datë 21.3.2017,  të  Këshillit  të  Ministrave,  “Për miratimin   e   listës   përfundimtare   të   pjesshme (pjesa  e  parë  +  pjesa  e  dytë)  të  pronave  të paluajtshme  publike  shtetërore,  që  transferohen në    pronësi    ose    në    përdorim    të    njësisë administrative  Tiranë,  Bashkia  Tiranë,  të  Qarkut të Tiranës”, të ndryshuar.

4.Ngarkohen  Ministria  e  Kulturës,  Bashkia Tiranë  dhe  Agjencia  Shtetërore  e  Kadastrës  për zbatimin e këtij vendimi.  Ky   vendim   hyn   në   fuqi   pas   botimit   në Fletoren Zyrtare./ KRYEMINISTËR Edi Rama