Akuzon Opozitën/ Edi Rama gati Marrëveshjet me Rusinë! Ambasada e Rusisë sqaron se…
Kryeministri Edi Rama i cili në ligjërimin e tij nuk pushon së akuzuari opozitën dhe liderin e saj Lulzim Basha për lidhjet me Rusinë, madje e ka mësuar edhe atë analfabetin politik, Taulant Ballën, të shpërndajë poshtë e lartë llafe për “Lulin, financimet dhe Rusinë”, nga ana tjetër ai nuk ka bërë propagandë por ka përgatitë Marrëveshjet dypalëshe me Moskën zyrtare që janë gati për tu firmosur në Tiranë.
Këtë e ka bërë të ditur Ambasada e Rusisë në Tiranë përmes një postimi në rrjetin social Facebook duke saktësuar se në Moskë është zhvilluar takimi i Komisionit Ndërqeveritar Rusi-Shqipëri ku është diskutuar bashkëpunimi mes Shqipërisë dhe Rusisë, në fushën e turizmit, teknologjisë, bujqësisë, energjisë, arsimit etj.
Dhe jo vetëm kaq! Takimi i radhës do të zhvillohet në Tiranë, ku palët do të finalizojnë mes tyre disa marrëveshje dypalëshe. Ndryshe, Në këtë takim Shqipëria është përfaqësuar nga Zv.ministri i Financave dhe Ekonomisë, Elton Harxhi, që është dhe bashkëkryetari i Komisionit Ndërqeveritar Rusi-Shqipëri. Ndërkohë pala ruse nga Ministri për Zhvillimin Dixhial, Komunikimit dhe Medias, Konstantin Noskov.
Ja statusi i plotë:
Mbahet takimi i radhës i bashkëkryetarëve të Komisionit Ndërqeveritar Rusi-Shqipëri
Në Moskë u zhvillua dje një takim pune midis Ministrit të Zhvillimit Dixhital, Komunikimit dhe Medias të Rusisë, z. Konstantin Noskov, dhe Zëvendësministrit të Financave dhe Ekonomisë të Shqipërisë, z. Elton Haxhi, të cilët janë bashkëkryetarë të Komisionit Ndërqeveritar Rusi-Shqipëri për Tregtinë, Bashkëpunimin Ekonomik dhe Tekniko-Shkencor.
Palët diskutuan për një gamë të gjerë çështjesh, duke përfshirë perspektivat e bashkëpunimit në fushat e turizmit, tregtisë, bujqësisë, energjisë, teknologjive të informacionit dhe komunikacionit, arsimit, etj. U ra dakord për të vijuar punën mbi përmirësimin e kuadrit ligjor bilateral me qëllim që në kuadër të sesionit të radhës të Komisionit Ndërqeveritar në Tiranë të mundësohet nënshkrimi i një numri dokumentesh bilaterale.
