Ambasadorja e SHBA në Kanada nominohet për Ambasadore në OKB

Presidenti i Shteteve të Bashkuara, Donald Trump, ka nominuar të dërguarën e posaçme në Kanada, Kelly Craft për ambasadore në Kombet e Bashkuara, raporton RFE.

“Jam i lumtur të njoftoj se Kelly Knight Craft, ambasadorja jonë aktuale në Kanada, do të nominohet për të qenë ambasadorja e re në Kombet e Bashkuara,” informoi Presidenti Trump përmes rrejtit social Twitter duke shtuar:

“Kelly ka bërë një punë të madhe në përfaqësimin e vendit tonë dhe nuk kam asnjë dyshim, nën udhëheqjen e saj vendi ynë do të përfaqësohet në nivelin më të lartë.”

Sekretari i Shtetit, Mike Pompeo, në një njoftim tha se Craft “ka qenë mbrojtëse e sigurisë kombëtare dhe interesave ekonomike të SHBA-së në Kanada”, duke shtuar se ajo është shumë e kualifikuar për të ushtruar funksionin e njejtë në Kombet e Bashkuara.

Craft është bashkëshortja e miliarderit të thëngjillit Joe Craft. Të dy kishin mbështetur kandidaturën e presidentit Trump më 2016 dhe kanë qenë mbështetës edhe financiarë të Republikanëve.

Më 2017, Kelly Graft ishte emëruar nga presidenti George W. Bush si delegat opsional për Kombet e Bashkuara.