Alarm në Kroaci/ Uragan, era arrin shpejtësinë 176 km/h

Moti i keq që ka përfshirë Kroacinë gjatë gjithë natës dhe vazhdon edhe sot gjatë ditës, ka alarmuar autoritetet për uragan ndërsa është shënuar shpejtësia më e fortë e erës në historinë kroate me 176 km/h.

Tashmë e gjithë Kroaci është nën alarmin e kuq, ndërsa uragani që vjen nga Adriatiku po shkatërron gjithçka që i del para: shtëpi, makina, kamionë, pemë madje është parë edhe një kioskë duke fluturar.

Në Dalmaci dëmet janë shumë të mëdha, ende nuk raportohet për viktima ndërsa qytetarët si në Split, Omish, Makarska, Braç etj. këshillohen të mos dalin nga shtëpitë e tyre.