Shembet Saraja e Escobarit, park për viktimat e narkotrafikut

Fortesa luksoze e Ish-bossit të drogës kolumbiane, Pablo Escobar, në Medelin është shkatërruar me një shpërthim të kontrolluar.

U deshën vetëm 3 sekonda që të shembet perandoria e ngritur nga bossi i drogës kolumbiane. Për shkatërrimin e  fortesës është përdorur 200 kg eksploziv.

Shkatërrimi i godinës 8 katëshe ndodhi sot në sy të 1.600 personave, plot 25 vite pas vdekjes se narkobosit i cili u vra nga policia në 1993. Fëmijë, nipa të policëve, politikanë dhe gazetarë të cilët u vranë me urdhër të Escobarit ndoqën nga afër shembjen.

Autoritetet vendore kanë vendosur të ndërtojnë një park dedikur viktimave të narkotrafikut.

“Nuk bëhet fjalë për të shkatërruar një zyrë që është në rrënim e sipër dhe bie por për të  ngritur një memorial për ata që duhet të jenë heronjtë tanë që nuk duhen harruar kurrë ” tha kryebashkiaku i Medelin, Federico Gutiérrez. 

Aty do të instalohet skulptura “Jeta e re” e artistit Rodrigo Arenas Betancourt, një lapidar në homazh të 46.612 viktimave të luftës së drogës në qytet.